ଅଯୋଧ୍ୟା, ୧୩ ଏପ୍ରିଲ (ହି.ସ.)-ଉତ୍ତର ପ୍ରଦେଶର ରାମ ନଗରୀ ଅଯୋଧ୍ୟାରେ ଥିବା ଶ୍ରୀ ରାମ ଜନ୍ମଭୂମି ମନ୍ଦିର ସମେତ ପରିସର ମଧ୍ୟରେ ଥିବା ସମସ୍ତ ମନ୍ଦିର ଏବଂ ମଣ୍ଡପଗୁଡ଼ିକରେ ସୋମବାର ଦର୍ଶନ (ପୂଜା) ସେବା ପୁନର୍ବାର ଆରମ୍ଭ ହୋଇଛି।ଏହି ମନ୍ଦିରଗୁଡ଼ିକରେ ଦର୍ଶନ ପାଇଁ ସୀମିତ ସଂଖ୍ୟକ ଭକ୍ତଙ୍କୁ ପାସ୍ ସିଷ୍ଟମ ମାଧ୍ୟମରେ ପ୍ରବେଶ ପ୍ରଦାନ କରାଯାଉଛି।ପାସ୍ ପାଇବା ପାଇଁ କିଛି ସର୍ତ୍ତ ମଧ୍ୟ ରଖାଯାଇଛି।ଯେପରି ଭକ୍ତମାନେ କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି,ଏଥିପାଇଁ ସମସ୍ତ ଆବଶ୍ୟକୀୟ ପ୍ରସ୍ତୁତି ସମାପ୍ତ ହୋଇଛି।ଅନଲାଇନ୍ ପାସ୍ ମାଧ୍ୟମରେ ପ୍ରବେଶ

ଶ୍ରୀରାମ ଜନ୍ମଭୂମି ମନ୍ଦିର ପରିସରରେ ଥିବା ସମସ୍ତ ୧୮ଟି ମନ୍ଦିରକୁ ସାଧାରଣ ଭକ୍ତମାନଙ୍କ ପାଇଁ ତିନି ମାସର ପରୀକ୍ଷାମୂଳକ ପର୍ଯ୍ୟାୟର ଅଂଶ ଭାବରେ ଉପଲବ୍ଧ କରାଯାଉଛି।ମନ୍ଦିରର ବ୍ୟବସ୍ଥା ସହିତ ଜଡିତ ଗୋପାଳ କହିଛନ୍ତି ଯେ ଆଜିଠାରୁ - ଏପ୍ରିଲ ୧୩ - ପ୍ରତିଦିନ ୧୫୦୦ ଭକ୍ତଙ୍କୁ ଅନଲାଇନ୍ ପାସ୍ ମାଧ୍ୟମରେ ଦର୍ଶନ ପ୍ରଦାନ କରାଯାଉଛି।ଏଥିରେ ସୁଗମ ,ବିଶିଷ୍ଟ ,ଏବଂ ସାମାନ୍ୟ ଦର୍ଶନ ପ୍ରତ୍ୟେକ ୫୦୦ ପାସ୍ ନିର୍ଦ୍ଧାରିତ କରାଯାଇଛି।ବୁକିଂୁ ପ୍ରଥମେ ଆସନ୍ତୁ, ପ୍ରଥମେ ପାଆନ୍ତୁ' ଆଧାରରେ କରାଯାଉଛି।ଭକ୍ତମାନେ ସାଧାରଣ ଲେନ୍ ଦେଇ ପ୍ରବେଶ କରି ରାମ ଲଲ୍ଲାଙ୍କ ଦର୍ଶନ କରୁଛନ୍ତି।ଏହାପରେ ଦକ୍ଷିଣ ପାହାଚ ଦେଇ ରାମ ପରିବାରର ଦର୍ଶନ କରାଯାଉଛି।ଆହୁରି ପାରକୋଟା ମାର୍ଗରୁ ଶେଷାବତାର ମନ୍ଦିର ସପ୍ତ ମଣ୍ଡପମ ଏବଂ କୁବେର ନବରତ୍ନ ତିଲା ପରିଦର୍ଶନ କରୁଛନ୍ତି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା