ଭୁବନେଶ୍ୱର, 16 ଏପ୍ରିଲ୍ (ହି.ସ.)- ଓଡ଼ିଶାରେ ଗୁରୁବାର ରାଜ୍ୟବ୍ୟାପୀ ଡୋର-ଟୁ-ଡୋର

ଡିଜିଟାଲ ଜନଗଣନା ଆରମ୍ଭ ହୋଇଛି। ଏହା ଏକ ବଡ଼ ପ୍ରଶାସନିକ ଅଭିଯାନ, ଯାହାର ଉଦ୍ଦେଶ୍ୟ

ସମଗ୍ର ରାଜ୍ୟରେ ବିସ୍ତୃତ ଜନସାଂଖ୍ୟିକ ତଥ୍ୟ ସଂଗ୍ରହ କରିବା। ଏହି ପ୍ରକ୍ରିୟା ମେ 15 ପର୍ଯ୍ୟନ୍ତ

ଚାଲିବ।

ଏହି ଅଭିଯାନ ପାଇଁ ରାଜ୍ୟସାରା 90,000 ରୁ ଅଧିକ କର୍ମଚାରୀଙ୍କୁ ନିଯୁକ୍ତ କରାଯାଇଛି, ଯେଉଁମାନେ ଘରକୁ ଘର

ଯାଇ ସୂଚନା ସଂଗ୍ରହ କରିବେ। ନିରୀକ୍ଷଣ ପାଇଁ 15,140 ଜଣ ସୁପରଭାଇଜର ନିଯୁକ୍ତ ହୋଇଛନ୍ତି। ପ୍ରାଥମିକ

ବିଦ୍ୟାଳୟର ଶିକ୍ଷକମାନଙ୍କୁ ଗଣନାକର୍ତ୍ତା (ଏନ୍ୟୁମେରେଟର) ଏବଂ ଉଚ୍ଚ ବିଦ୍ୟାଳୟର

ଶିକ୍ଷକମାନଙ୍କୁ ସୁପରଭାଇଜର ଭାବେ ଦାୟିତ୍ୱ ଦିଆଯାଇଛି।

ପ୍ରତ୍ୟେକ ଗଣନାକର୍ତ୍ତାଙ୍କୁ ପ୍ରାୟ 800 ଜଣଙ୍କର ତଥ୍ୟ

ସଂଗ୍ରହ କରିବା ଲକ୍ଷ୍ୟ ଦିଆଯାଇଛି। ପାଖାପାଖି ଜଣେ କର୍ମଚାରୀ ଏହି ସମୟରେ 150 ରୁ 200ଟି ଘରର ସର୍ଭେ

କରିବେ। ଏହା ସହିତ ଘରଗୁଡିକର ତାଲିକା ପ୍ରସ୍ତୁତ, ନମ୍ବରିଂ କରିବା ଏବଂ ପ୍ରତ୍ୟେକ ପରିବାରର ମୁଖିଆଙ୍କ ସହ କଥାହେବା

ମାଧ୍ୟମରେ ସୂଚନା ଲେଖିବା କାମ ମଧ୍ୟ କରାଯିବ।

ଏହି ଜନଗଣନାରେ ମୋଟ 33ଟି ପ୍ରଶ୍ନ ସହିତ ଏକ ଗଠିତ ପ୍ରଶ୍ନାବଳୀ ରହିଛି। ଏଥିରେ ବାସସ୍ଥାନର

ଅବସ୍ଥା, ନିର୍ମାଣ ସାମଗ୍ରୀ, ପରିବାରମାନଙ୍କ

ଖାଦ୍ୟ ଅଭ୍ୟାସ ଏବଂ ଦୁଇଚକିଆ ଓ ଚାରିଚକିଆ ଯାନ ମାଲିକାନା ଭଳି ସାମାଜିକ-ଆର୍ଥିକ ପ୍ରସଙ୍ଗର

ସୂଚନା ସଂଗ୍ରହ କରାଯିବ।

ପୂର୍ଣ୍ଣ ସର୍ଭେ ଆରମ୍ଭ ପୂର୍ବରୁ କର୍ମଚାରୀମାନଙ୍କୁ ତିନି ଦିନର

ମ୍ୟାପିଂ କାମ ଦିଆଯାଇଛି। ଏହି ସମୟରେ ସେମାନେ ନିଜ ନିର୍ଦ୍ଧାରିତ ଅଞ୍ଚଳକୁ ଚିହ୍ନଟ କରିବେ, ସ୍ଥାନୀୟ

ପରିସ୍ଥିତିକୁ ବୁଝିବେ ଏବଂ ଘର ଓ ପରିବାର ସଂଖ୍ୟାର ଆନୁମାନ କରିବେ। ଏହି ପ୍ରାରମ୍ଭିକ

ପର୍ଯ୍ୟାୟ 18 ଏପ୍ରିଲ

ପର୍ଯ୍ୟନ୍ତ ଚାଲିବ।

ମ୍ୟାପିଂ କାମ ସମ୍ପୂର୍ଣ୍ଣ ହେବା ପରେ ବାସ୍ତବ ଜନଗଣନା ପ୍ରକ୍ରିୟା

ଆରମ୍ଭ ହେବ। ସମସ୍ତ ସଂଗ୍ରହିତ ତଥ୍ୟକୁ ଡିଜିଟାଲ ଆକାରରେ ସଂରକ୍ଷିତ କରାଯିବ, ଯାହା ଫଳରେ

ପ୍ରକ୍ରିୟା ଅଧିକ ସୁସଂଗଠିତ,

ସଠିକ୍ ଓ

ପ୍ରଶାସନିକ ବ୍ୟବହାର ପାଇଁ ସହଜ ହେବ।

ଅଧିକାରୀମାନଙ୍କ କହିବା ଅନୁସାରେ, ଏହି ଡିଜିଟାଲ ପ୍ରଣାଳୀ ପାରଦର୍ଶିତା ଓ

କାର୍ଯ୍ୟକୁଶଳତା ବଢାଇବାରେ ସହାୟକ ହେବ ଏବଂ ରାଜ୍ୟରେ ତଥ୍ୟ-ଆଧାରିତ ପ୍ରଶାସନକୁ ସୁଦୃଢ

କରିବାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସାବ୍ୟସ୍ତ ହେବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା