ତେନକାଶୀ, ୧୯ ଏପ୍ରିଲ୍(ହି.ସ.) – କେନ୍ଦ୍ର ରକ୍ଷାମନ୍ତ୍ରୀ ରାଜନାଥ ସିଂହ ତାମିଲନାଡ଼ୁ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ତେନକାଶୀ ଜିଲ୍ଲାର ବାସୁଦେବନଲ୍ଲୁର ବିଧାନସଭା କ୍ଷେତ୍ରରେ ଭାରତୀୟ ଜନତା ପାର୍ଟି(ଭାଜପା)ର ପ୍ରାର୍ଥୀ ଆନନ୍ଦନ ଆୟାସ୍ୱାମୀର ସମର୍ଥନରେ ରୋଡ଼ ଶୋ କରିଛନ୍ତି। ପୁଲିୟଂଗୁଡ଼ି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଚିନ୍ତାମଣି ବସ୍ ଷ୍ଟାଣ୍ଡ ପର୍ଯ୍ୟନ୍ତ ଯାଇଥିବା ଏହି ରୋଡ଼ ଶୋ’ରେ ବଡ଼ ସଂଖ୍ୟାରେ ପାର୍ଟି କାର୍ଯ୍ୟକର୍ତା ଏବଂ ସମର୍ଥକ ସାମିଲ୍ ଥିଲେ।

ରୋଡ଼ ଶୋ’ ପରେ ଜନସଭାକୁ ସମ୍ବୋଧିତ କରି ରକ୍ଷାମନ୍ତ୍ରୀ ରାଜନାଥ ସିଂହ ଦ୍ରାବିଡ ମୁନେତ୍ର କଡ଼ଗମ(ଦ୍ରମୁକ) ରାଜ୍ୟରେ ଆଇନ୍ ବ୍ୟବସ୍ଥାର ସ୍ଥିତି ବିଗିଡ଼ି ଯାଇଛି। ଅପରାଧ, ପିଲାଙ୍କ ବିରୋଧରେ ହିଂସା ଏବଂ ଦଳିତଙ୍କ ଉପରେ ଅତ୍ୟାଚାରରେ ବୃଦ୍ଧି ହୋଇଛି, ଯେଉଁଥିପାଇଁ ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନ୍ ଏବଂ ଉଦୟନିଧି ଷ୍ଟାଲିନ୍ ଦାୟୀ ଅଛନ୍ତି।

ରାଜନାଥ ସିଂହ ଅଭିଯୋଗ କରିଛନ୍ତି ଯେ ଦ୍ରମୁକ ସରକାର ଭ୍ରଷ୍ଟାଚାରରେ ବୁଡ଼ି ରହିଛି। ସେ କହିଛନ୍ତି ଯେ ରାଜ୍ୟର ମନ୍ତ୍ରୀ ଏବଂ ବିଧାୟକ ବିଭିନ୍ନ ଘୋଟାଲାରେ ଲିପ୍ତ ଅଛନ୍ତି, ଯେଉଁଥିରେ ଆୟରୁ ଅଧିକ ସମ୍ପତି, ଅବୈଧ ବାଲି ଖୋଳା ଏବଂ ଅନ୍ୟ ଗମ୍ଭୀର ଅଭିଯୋଗ ସାମିଲ୍ ଅଛି। ସେ ଦାବି କରିଛନ୍ତି ଯେ ଅବୈଧ ବାଲି ଖୋଳାରେ ହଜାର କୋଟି ଟଙ୍କାର ଲୁଟ୍ ହୋଇଛି ଏବଂ ରାଜ୍ୟର ସଂସାଧନର ଦୁରୂପଯୋଗ କରାଯାଉଛି।

ସେ କଲ୍ଲାକୁରିଚିରେ ଅବୈଧ ମଦରେ ହୋଇଥିବା ମୃତ୍ୟୁର ଉଲ୍ଲେଖ କରି କହିଛନ୍ତି ଯେ ଏହି ସରକାରଙ୍କ ଅସାବଧାନତାର ଫଳ। ରାଜ୍ୟରେ ଅବୈଧ ମଦ କାରବାର ସାଧାରଣରେ ଚାଲୁଛି, ଯେଉଁଥିରେ ଲୋକଙ୍କ ଜୀବନ ବିପଦରେ। ସେ ଭରସା ଦେଇଛନ୍ତି ଯେ ରାଷ୍ଟ୍ରୀୟ ଜନତାନ୍ତ୍ରିକ ମେଂଟ(ରାଜଗ) ସରକାର ହେବା ପରେ ମଦ ମାଫିଆ ଉପରେ ଶକ୍ତ କାର୍ଯ୍ୟାନୁଷ୍ଠାନ କରାଯିବ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି