ମୁମ୍ବାଇ, ୫ ଏପ୍ରିଲ (ହି.ସ.) – ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବୀସ ରବିବାର ନାସିକରେ କହିଛନ୍ତି ଯେ, ରାଜ୍ୟ ସରକାର ୨୦୨୬ର ନାସିକ ସିଂହସ୍ଥ କୁମ୍ଭ ମେଳା ପାଇଁ ୩୫୦୦୦ କୋଟି ଟଙ୍କା ଖର୍ଚ୍ଚ କରିବେ । ରାଜ୍ୟ ସରକାର ନାସିକ କୁମ୍ଭକୁ ମହାନ ଏବଂ ଦିବ୍ୟ କରିବାକୁ ଚାହୁଁଛନ୍ତି । ମୁଖ୍ୟମନ୍ତ୍ରୀ ଫଡ଼ନାବୀସ ଆଜି ନାସିକରେ ଅଖିଳ ଭାରତୀୟ ସନ୍ଥ ସମ୍ମିଳନୀକୁ ସମ୍ବୋଧିତ କରୁଥିଲେ । ଚଳିତ ବର୍ଷର କୁମ୍ଭ ମହାନ ଏବଂ ଦିବ୍ୟ ହେବ ବୋଲି ଦାବି କରି ସେ ୩୫୦୦୦ କୋଟି ଟଙ୍କାର କାର୍ଯ୍ୟ ଏକ ରୋଡ଼ମ୍ୟାପ ଉପସ୍ଥାପନ କରିଥିଲେ । ତ୍ରୟମ୍ବକେଶ୍ୱର ସହରରେ ପ୍ରଭୁ ଶ୍ରୀରାମ ଏବଂ ସମସ୍ତ ସନ୍ଥ ଏବଂ ମହନ୍ତମାନଙ୍କୁ ସ୍ୱାଗତ କରିବା ସହିତ, ସେ ସନାତନ ସଂସ୍କୃତିର ସଂରକ୍ଷଣ ଉପରେ ଗୁରୁତ୍ୱାରୋପ କରିଥିଲେ । କୁମ୍ଭ ଭକ୍ତଙ୍କ ପାଇଁ ସମସ୍ତ ସୁବିଧା ପ୍ରସ୍ତୁତ ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ନାସିକରେ ସ୍ଥାନ ସୀମିତ ଥିଲେ ମଧ୍ୟ ଯଥାସମ୍ଭବ ସ୍ଥାନ ଯୋଗାଇବା ପାଇଁ ପ୍ରୟାସ କରାଯାଉଛି । ସେ କହିଥିଲେ ସନାତନ ସଂସ୍କୃତି ସବୁକିଛି ସଂରକ୍ଷଣ କରିଛି । ଅନେକ ଆକ୍ରମଣ ସତ୍ୱେ ଏହା ଏବେ ବି ବଂଚି ରହିଛି । ଆମ ପାଖରେ ମହାରାଷ୍ଟ୍ରର ୱାରକାରୀ ସମ୍ପ୍ରଦାୟର ପରମ୍ପରା ଅଛି । ୱାରଙ୍ଗଜେବ ଯେତେ ଅସୁବିଧା ସୃଷ୍ଟି କଲେ ମଧ୍ୟ ଆମର ୱାରକାରୀ ପରମ୍ପରା ଜାରି ରହିଛି । ସନ୍ଥମାନଙ୍କ ଚିନ୍ତାଧାରା କେବଳ ଆମ ମନକୁ ନୁହେଁ ବରଂ ଆମ ଆତ୍ମାକୁ ମଧ୍ୟ ପବିତ୍ର କରିଥାଏ । କୁମ୍ଭମେଳା ଏଥିପାଇଁ ଏକ ଗୁରୁ୍ତ୍ୱପୂର୍ଣ୍ଣ ପର୍ବ । ସମସ୍ତ ସନ୍ଥ ଏବଂ ମହନ୍ତମାନେ ଆମକୁ ନିଜର ଭାବରେ ଗ୍ରହଣ କରିଛନ୍ତି । ତେଣୁ ଆମେ ଏହି ବର୍ଷ କୁମ୍ଭକୁ ମହାନ ଏବଂ ଦିବ୍ୟ କରିବାକୁ ଚେଷ୍ଟା କରୁଛୁ ।

ହିନ୍ଦୁସ୍ଥାନ ସମାଚାର / ଭାନୁ ଚରଣ