ନୂଆଦିଲ୍ଲୀ, ଜୁନ ୧୨ (ହି.ସ.) - କୋଲକାତା ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀଙ୍କ ବିରୋଧରେ ରାଜଧାନୀ କୋଲକାତାର ହେୟାର ଷ୍ଟ୍ରିଟ୍ ପୋଲିସ ଷ୍ଟେସନରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି। ଲିଖିତ ଅଭିଯୋଗ ଆଧାରରେ ପୋଲିସ ଭାରତୀୟ ଦଣ୍ଡ ସଂହିତା (ଆଇପିସି)ର ବିଭିନ୍ନ ଧାରା ଅନୁଯାୟୀ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ପୋଲିସର କହିବା ଅନୁଯାୟୀ, ବିଧାନସଭା ନିର୍ବାଚନ ପ୍ରଚାର ସମୟରେ ମମତା ବାନାର୍ଜୀ ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ବିଷୟରେ ମନ୍ତବ୍ୟ ଦେଇଥିଲେ। ତାଙ୍କ ଭାଷଣରେ ସେ କହିଥିଲେ ଯେ ଯଦି ଏକ ସମ୍ପ୍ରଦାୟ ଏକଜୁଟ ହୁଏ, ତେବେ ଏହା ବିରୋଧୀମାନଙ୍କୁ ପରାସ୍ତ କରିପାରିବ। ସେ ଭାରତୀୟ ଜନତା ପାର୍ଟି (ବିଜେପି) ବିରୋଧରେ ଲୋକଙ୍କୁ ମଧ୍ୟ ଉତେଜିତ କରିଥିଲେ। ଏହି ମନ୍ତବ୍ୟ ସେହି ସମୟରେ ଏକ ରାଜନୈତିକ ବିବାଦ ମଧ୍ୟ ସୃଷ୍ଟି କରିଥିଲା।

ଏହାପୂର୍ବରୁ, ନେତାଜୀ ସୁଭାଷ ଚନ୍ଦ୍ର ବୋଷ ରୋଡର ବାସିନ୍ଦା ତୁଷାରକାନ୍ତି ଦାସ ନେତାଜୀ ନଗର ପୋଲିସ ଷ୍ଟେସନରେ ମେ ୨୦ରେ ଏକ ଅଭିଯୋଗ ଦାଖଲ କରିଥିଲେ। ଏହି ଅଭିଯୋଗରେ ସେ ମମତା ବାନାର୍ଜୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରିଥିଲେ।

ହିନ୍ଦୁସ୍ଥାନ ସମାଚାର / ଭାନୁ ଚରଣ