ନୂଆଦିଲ୍ଲୀ, ୨୦ ଅଗଷ୍ଟ (ହି.ସ.)- କଂଗ୍ରେସ କାର୍ଯ୍ୟସମିତି ଦ୍ୱାରା ଜାତୀୟ ଗୀତ ବନ୍ଦେ ମାତରମର ସମ୍ପୂର୍ଣ୍ଣ ଗାନରୁ ବିରତ ରହିବାର ନିଷ୍ପତି ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରି ପୂର୍ବତନ କେନ୍ଦ୍ରମନ୍ତ୍ରୀ ଏବଂ ସାଂସଦ ଅନୁରାଗ ସିଂହ ଠାକୁର କହିଛନ୍ତି ଯେ କଂଗ୍ରେସର ଏହି ନିଷ୍ପତି ସମ୍ପୂର୍ଣ୍ଣ ଭାବେ ରାଷ୍ଟ୍ର, ସମ୍ବିଧାନ ଏବଂ ସଂସଦ ବିରୋଧୀ ମାନସିକତାକୁ ଦର୍ଶାଉଛି। ତୁଷ୍ଟୀକରଣର ରାଜନୀତିରେ ବୁଡ଼ିଥିବା କଂଗ୍ରେସ ଏବେ ଜାତୀୟ ଗୀତର ସମ୍ମାନକୁ ମଧ୍ୟ ରାଜନୈତିକ ଚଷମାରେ ଦେଖିବାକୁ ଲାଗିଛି।
ଅନୁରାଗ ଠାକୁର ଗୁରୁବାର ଗଣମାଧ୍ୟମ ସହ କଥାବାର୍ତାରେ କହିଛନ୍ତି ଯେ ବନ୍ଦେ ମାତରମ କେବଳ ଗୀତ ନୁହେଁ ବରଂ ଭାରତର ସ୍ୱାଧୀନତା, ରାଷ୍ଟ୍ରଭକ୍ତି ଏବଂ କୋଟି କୋଟି ଦେଶବାସୀଙ୍କ ଭାବନାର ପ୍ରତୀକ। ସ୍ୱାଧୀନତା ସଂଗ୍ରାମ ସମୟରେ ଏହି ବନ୍ଦେ ମାତରମ ଦେଶବାସୀଙ୍କ ମଧ୍ୟରେ ରାଷ୍ଟ୍ରଭାବନା ଏବଂ ସ୍ୱାଧୀନତାର ଚେତନା ଜାଗ୍ରତ କରିବାର କାମ କରିଥିଲା। ଏପରି ଜାତୀୟ ଗୀତର ସମ୍ପୂର୍ଣ୍ଣ ଗାନରୁ କଂଗ୍ରେସର ବିରତ ରହିବା ଅତ୍ୟନ୍ତ ଦୁର୍ଭାଗ୍ୟଜନକ।
କଂଗ୍ରେସକୁ ଏହା ବୁଝିବା ଉଚିତ ଯେ ରାଷ୍ଟ୍ରର ସମ୍ମାନ ଏବଂ ଜାତୀୟ ପ୍ରତୀକଗୁଡ଼ିକ ସହିତ ରାଜନୀତି କରାଯାଇପାରିବ ନାହିଁ।
ସେ କହିଛନ୍ତି ଯେ କଂଗ୍ରେସ ଆଜି ସମ୍ବିଧାନର ଦୁହାଇ ଦେଉଛି କିନ୍ତୁ ତାକୁ ଏହା ମଧ୍ୟ ମନେ ରଖିବା ଉଚିତ ଯେ ସମ୍ବିଧାନର ମୂଳ ଭାବନା ରାଷ୍ଟ୍ରର ଏକତା, ଅଖଣ୍ଡତା ଏବଂ ନାଗରିକମାନଙ୍କ ମଧ୍ୟରେ ଜାତୀୟ ଚେତନାକୁ ସୁଦୃଢ଼ କରିବା। ସଂସଦରେ ଜାତୀୟ ଗୀତର ସମ୍ମାନ ଏବଂ ଏହାର ଐତିହାସିକ ମହତ୍ୱକୁ ନେଇ ଦେଶର ଭାବନାକୁ ସମ୍ମାନ ମିଳିବା ଉଚିତ, ନା କି ଭୋଟ ବ୍ୟାଙ୍କର ରାଜନୀତି ପାଇଁ ଏଥିରେ ବିଭାଜନକାରୀ ଦୃଷ୍ଟିକୋଣ ଖୋଜାଯିବା ଉଚିତ।
ସେ କହିଛନ୍ତି ଯେ ବନ୍ଦେ ମାତରମର ସମ୍ମାନ କୌଣସି ଦଳ, ଜାତି କିମ୍ବା ଧର୍ମର ବିଷୟ ନୁହେଁ ବରଂ ଭାରତ ମାତା ଏବଂ ୧୪୦ କୋଟି ଦେଶବାସୀଙ୍କ ସମ୍ମାନର ବିଷୟ। କଂଗ୍ରେସକୁ ନିଜର ରାଜନୈତିକ ବାଧ୍ୟବାଧକତାରୁ ଉପରକୁ ଉଠି ରାଷ୍ଟ୍ରହିତ ଏବଂ ଜାତୀୟ ଭାବନାର ସମ୍ମାନ କରିବା ଉଚିତ। ଭାରତର ଜନତା ଜାତୀୟ ପ୍ରତୀକଗୁଡ଼ିକର ଅପମାନ ଏବଂ ତୁଷ୍ଟୀକର
---------------
ହିନ୍ଦୁସ୍ଥାନ ସମାଚାର / ଗଗନ