ନୂଆଦିଲ୍ଲୀ, ୧୬ ସେପ୍େଟମ୍ବର (ହି.ସ.)- କେନ୍ଦ୍ର ସରକାର କେନ୍ଦ୍ରୀୟ ଫିଲ୍ମ ପ୍ରମାଣନ ବୋର୍ଡ (ସିବିଏଫସି)ର ପୁନର୍ଗଠନ କରିଛନ୍ତି। ବୁଧବାର ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଜାରି ଅଧିସୂଚନା ଅନୁସାରେ ନୂଆ ବୋର୍ଡ ତତ୍କାଳ ପ୍ରଭାବରୁ ତିନି ବର୍ଷ କିମ୍ବା ପରବର୍ତୀ ଆଦେଶ ପର୍ଯ୍ୟନ୍ତ, ଯାହା ପ୍ରଥମେ ହେବ, ପ୍ରଭାବୀ ରହିବ।

ନୂଆ ବୋର୍ଡରେ ଫିଲ୍ମ ଏବଂ କଳା ଜଗତ ସହ ଜଡ଼ିତ ୧୮ ଜଣ ସଦସ୍ୟଙ୍କୁ ସାମିଲ କରାଯାଇଛି। ଏଥିରେ ଅଭିନେତା ମନୋଜ ଯୋଶୀ, ସୁନୀଲ ଶେଟ୍ଟୀ, ପ୍ରୀତି ଜିଂଟା, ପଙ୍କଜ ତ୍ରିପାଠୀ, ରୂପାଲୀ ଗାଙ୍ଗୁଲୀ, ପଲ୍ଲବୀ ଯୋଶୀ, ପ୍ରୋସେନଜିତ ଚଟ୍ଟୋପାଧ୍ୟାୟ ଏବଂ ପ୍ରିୟଦର୍ଶନଙ୍କ ସମେତ ଅନେକ ପ୍ରମୁଖ ନାମ ସାମିଲ ଅଛନ୍ତି।

ମନ୍ତ୍ରଣାଳୟ କହିଛି ଯେ ୧୮ ସଦସ୍ୟୀୟ ବୋର୍ଡରେ ସାମିଲ ଅଭିନେତାମାନଙ୍କ ମଧ୍ୟରେ ବିନୋଦ ଅନୁପମ, ମନୋଜ ଯୋଶୀ, ଅଭିଷେକ ଜୈନ, ରିକି କେଜ, ପ୍ରିୟଦର୍ଶନ, ସୁନୀଲ ଶେଟ୍ଟୀ, ହଂସରାଜ ହଂସ,

ସୁପ୍ରିୟା ୟାର୍ଲାଗଡ୍ଡା, ଯତୀନ୍ଦ୍ର ମିଶ୍ର, ରୂପାଲୀ ଗାଙ୍ଗୁଲୀ, ପ୍ରୀତି ଜିଂଟା, ନୀଳା ମାଧବ ପାଣ୍ଡା, ପଙ୍କଜ ତ୍ରିପାଠୀ, ପ୍ରୋସେନଜିତ ଚଟ୍ଟୋପାଧ୍ୟାୟ, ପଲ୍ଲବୀ ଯୋଶୀ, ନିଶିଗନ୍ଧା ୱାଡ, ରମେଶ ପତାଙ୍ଗେ ସାମିଲ ଅଛନ୍ତି।

ସରକାର ଏହି ପୁନର୍ଗଠନ ସିନେମାଟୋଗ୍ରାଫ ଅଧିନିୟମ, ୧୯୫୨ର ଧାରା ୩(୧) ଏବଂ ସିନେମାଟୋଗ୍ରାଫ (ସାର୍ଟିଫିକେସନ) ନିୟମ, ୨୦୨୪ର ନିୟମ ୩ ଅନୁଯାୟୀ କରିଛନ୍ତି।

-------------------

---------------

ହିନ୍ଦୁସ୍ଥାନ ସମାଚାର / ଗଗନ