ଭୁବନେଶ୍ୱର, 17 ସେପ୍ଟେମ୍ବର (ହି.ସ.) ତେଲେଙ୍ଗାନା ମୁକ୍ତି ଦିବସ ଅବସରରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ତେଲେଙ୍ଗାନାବାସୀଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇବା ସହ ତେଲେଙ୍ଗାନା ମୁକ୍ତି ଆନ୍ଦୋଳନର ଅମର ନାୟକମାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି।

ସେ କହିଛନ୍ତି ଯେ, ନିଜାମ ଓ ରଜାକାରମାନଙ୍କ ଦମନକାରୀ ଶାସନ ବିରୋଧରେ ହୋଇଥିବା ସଂଘର୍ଷ ଏବଂ ଏଥିରେ ଅସଂଖ୍ୟ ଲୋକଙ୍କ ଦ୍ୱାରା ଦିଆଯାଇଥିବା ବଳିଦାନକୁ ଏହି ଦିବସ ସ୍ମରଣ କରାଇଥାଏ। ସ୍ୱାଧୀନତା, ସମ୍ମାନ ଓ ଏକତାବଦ୍ଧ ଭାରତ ପାଇଁ ଅନେକ ବୀର ପୁରୁଷ ଓ ମହିଳା ନିଜର ସର୍ବସ୍ୱ ତ୍ୟାଗ କରିଥିଲେ।

ପୂର୍ବତନ କେନ୍ଦ୍ରମନ୍ତ୍ରୀ କହିଛନ୍ତି ଯେ, ତେଲେଙ୍ଗାନା ମୁକ୍ତି ଆନ୍ଦୋଳନର ସମସ୍ତ ଅମର ବୀରଙ୍କ ସାହସ ଓ ତ୍ୟାଗ ଆଗାମୀ ପିଢ଼ି ପାଇଁ ସର୍ବଦା ପ୍ରେରଣାର ଉତ୍ସ ହୋଇ ରହିବ। ଆନ୍ଦୋଳନରେ ବଳିଦାନ ଦେଇଥିବା ସମସ୍ତ ବୀରଙ୍କ ପ୍ରତି ସେ ଶ୍ରଦ୍ଧା ଜ୍ଞାପନ କରିବା ସହ ସେମାନଙ୍କ ଅବଦାନକୁ ସ୍ମରଣ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ