ନୂଆଦିଲ୍ଲୀ, ୦୨ ସେପ୍ଟେମ୍ବର (ହି.ସ.)- ଦିଲ୍ଲୀ ଉଚ୍ଚ ନ୍ୟାୟାଳୟ ଡେଗାସ୍ଥିତ ଓଲ୍ଡ ବିଶାଖାପଟ୍ଟଣମ ବିମାନବନ୍ଦରକୁ ବନ୍ଦ କରିବାକୁ ଚ୍ୟାଲେଞ୍ଜ କରୁଥିବା ଆବେଦନକୁ ଖାରଜ କରିଦେଇଛନ୍ତି। ମୁଖ୍ୟ ବିଚାରପତି ଡିକେ ଉପାଧ୍ୟାୟଙ୍କ ଅଧ୍ୟକ୍ଷତାରେ ଥିବା ବେଂଚ କହିଛନ୍ତି ଯେହେତୁ ମାମଲାର ମୁଖ୍ୟ ଅଧିକାରକ୍ଷେତ୍ର ଆନ୍ଧ୍ର ପ୍ରଦେଶରେ ରହିଛି, ତେଣୁ ଆବେଦନକାରୀଙ୍କୁ ଅଧିକାରକ୍ଷେତ୍ର ଥିବା ଉଚ୍ଚ ନ୍ୟାୟାଳୟକୁ ଯିବା ଉଚିତ।
ଆବେଦନରେ ଡେଗାସ୍ଥିତ ଓଲ୍ଡ ବିଶାଖାପଟ୍ଟଣମ ବିମାନବନ୍ଦରକୁ ବନ୍ଦ କରିବାକୁ ଚ୍ୟାଲେଞ୍ଜ କରାଯାଇଥିଲା, କାରଣ ଏହାର ବାଣିଜ୍ୟିକ ପରିଚାଳନାକୁ ନ୍ୟୁ ଆଲ୍ଲୁରୀ ସୀତାରାମ ରାଜୁ ଇଂଟରନ୍ୟାସନାଲ ଏୟାରପୋର୍ଟକୁ ସ୍ଥାନାନ୍ତର କରାଯାଇଥିଲା। ଆବେଦନ ଗୋପାଳ କୃଷ୍ଣ କୋସରାଜୁ ଦାଖଲ କରିଥିଲେ।
ଡେଗାସ୍ଥିତ ଓଲ୍ଡ ବିଶାଖାପଟ୍ଟଣମ ବିମାନବନ୍ଦରରୁ ଦଶନ୍ଧି ଧରି ବାଣିଜ୍ୟିକ ପରିଚାଳନା ଚାଲିଆସୁଥିଲା, କିନ୍ତୁ ଅଗଷ୍ଟ ମାସରେ ଏହି ପରିଚାଳନାକୁ ବନ୍ଦ କରିଦିଆଯାଇଥିଲା। ଏକ ଅଗଷ୍ଟରେ ନ୍ୟୁ ଆଲ୍ଲୁରୀ ସୀତାରାମ ରାଜୁ ଇଂଟରନ୍ୟାସନାଲ ଏୟାରପୋର୍ଟର ଉଦ୍ଘାଟନ କରାଯାଇଥିଲା। ଏହା ପରଠାରୁ ଓଲ୍ଡ ବିଶାଖାପଟ୍ଟଣମ ବିମାନବନ୍ଦରରୁ ବାଣିଜ୍ୟିକ ପରିଚାଳନା ବନ୍ଦ କରିଦିଆଯାଇଥିଲା। ଏହା ପରେ ସମସ୍ତ ପ୍ୟାସେଞ୍ଜର ଫ୍ଲାଇଟ୍ ମଧ୍ୟ ସୀତାରାମ ରାଜୁ ବିମାନବନ୍ଦରକୁ ସ୍ଥାନାନ୍ତର କରାଯାଇଥିଲା। ଡେଗାସ୍ଥିତ ଓଲ୍ଡ ବିଶାଖାପଟ୍ଟଣମରୁ କେବଳ ନନ୍ ସିଡ୍ୟୁଲ୍ ଏବଂ ମିଲିଟାରୀ ଅପରେସନ୍ ପରିଚାଳିତ ହେଉଛି।
ଆବେଦନରେ କୁହାଯାଇଥିଲା ଯେ ନୂଆ ବିମାନବନ୍ଦରରୁ କନେକ୍ଟିଭିଟିର ଘୋର ଅଭାବ ରହିଛି ଯାହା ଫଳରେ ଲୋକମାନଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି କିନ୍ତୁ ଉଚ୍ଚ ନ୍ୟାୟାଳୟ ଏହି ଯୁକ୍ତିକୁ ଖାରଜ କରି କହିଛନ୍ତି ଯେ ଅସୁବିଧା ବିଶାଖାପଟ୍ଟଣମରେ ରହିଛି ଏବଂ ଆବେଦନକାରୀଙ୍କୁ ଅଧିକାରକ୍ଷେତ୍ର ଥିବା ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହେବା ଉଚିତ।
--------------------
---------------
ହିନ୍ଦୁସ୍ଥାନ ସମାଚାର / ଗଗନ
