ମାଲକାନଗିରି, ୧୫ ନଭେମ୍ବର (ହି.ସ.) ଖଇରପୁଟ ବ୍ଳକ କୁଡୁମୁଲୁଗୁମ୍ମା ନିକଟସ୍ଥ ପୁରୁଣାଗୁମ୍ମା ବାଳିକା ଉଚ୍ଚ ବିଦ୍ୟାଳୟ ପରିସରରେ ମହାନ୍ ସ୍ୱତନ୍ତ୍ରତା ସେନାନୀ ବିର୍ସା ମୁଣ୍ଡାଙ୍କ ୧୫୦ ତମ ଜନ୍ମ ଜୟନ୍ତୀ ପାଳନ ସହିତ ଅଭି ଭାବକ ଓ ଶିକ୍ଷକ ସହଭାଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଜିର କାର୍ଯ୍ୟକ୍ରମରେ ପ୍ରଧାନଶିକ୍ଷକ ପ୍ରଦୀପ କୁମାର ବିଶ୍ୱାଳ ସଭାପତିତ୍ୱ କରିଥିଲା ବେଳେ , ମୁଖ୍ୟ ଅତିଥି ଭାବେ କୁଡୁମୁଲୁଗୁମ୍ମା ସରପଞ୍ଚ ମଙ୍ଗଳା ମାଢୀ ଯୋଗ ଦେଇଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଗଣେଶ ପ୍ରସାଦ ଦାଶ, ମୁଖ୍ୟବକ୍ତା ବାଳକୃଷ୍ଣ ପ୍ରଧାନ, ସମ୍ମାନିତ ଅତିଥି ସିମାଞ୍ଚଳ ବିଶ୍ୱାଳ, ଭଗବାନ ସାହୁ, ହିମାଂଶୁ ଶେଖର ସ୍ୱାଇଁ, ଦିଲ୍ଲୀପ କୁମାର ଦାସ , ବିଦ୍ୟାଳୟ ପରିଚାଳନା ପରିଷଦର ସଭାପତି ଲକ୍ଷ୍ମୀ ମାଝୀ, ସଦସ୍ୟ ଶ୍ୟାମସୁନ୍ଦର ମାଝୀ ଓ ସୁଖିରାମ ସଗରୀଆ ପ୍ରମୁଖ ଯୋଗ ଦେଇଥିଲେ । ସର୍ବ ପ୍ରଥମେ ଠାକୁର ଜଗନ୍ନାଥଙ୍କ ତୈଳଚିତ୍ର ପୁଜାର୍ଚ୍ଚନା ସହିତ ସହୀଦ ବିର୍ସା ମୁଣ୍ଡାଙ୍କ ତୈଳଚିତ୍ରରେ ପୁଷ୍ପମାଲ୍ୟ ପ୍ରଦାନ କରାଯାଇଥିଲା । ଏହାପରେ ବିଦ୍ୟାଳୟ ର ବାଳିକା ମାନେ ଜଗନ୍ନାଥଙ୍କ ଭଜନ ଉପରେ ଆଧାରିତ ଏକ ପ୍ରାରମ୍ଭିକ ନୃତ୍ୟ ପରିବେଷଣ କରିଥିଲେ। ପ୍ରଧାନଶିକ୍ଷକ ଶ୍ରୀ ବିଶ୍ୱାଳ ବିଦ୍ୟାଳୟ ର ବିଭିନ୍ନ କୃତକାର୍ଯ୍ୟ ଓ ସମସ୍ୟା ମାନଙ୍କ ବିଷୟରେ ବାର୍ଷିକ ବିବରଣୀ ଉପସ୍ଥାପନା କରିଥିଲେ । ସମସ୍ତ ଅତିଥି ମାନେ ନିଜ ନିଜର ଅଭିଭାଷଣରେ ସହୀଦ ବିର୍ସା ମୁଣ୍ଡାଙ୍କ ଜୀବନୀ, ତାଙ୍କର ଅଦମ୍ୟ ସାହସ ଓ ଇଂରେଜ ଶାସନ କାଳର ଅନ୍ୟାୟ ଅନିତି ବିରୁଦ୍ଧରେ ସ୍ୱର ଉତ୍ତୋଳନ ବିଷୟରେ ସମସ୍ତଙ୍କୁ ଅବଗତ କରାଇଥିଲେ । ଏହାପରେ ବିଦ୍ୟାଳୟ ର ବିଭିନ୍ନ କ୍ଷେତ୍ରରେ ହୋଇଥିବା ପ୍ରତିଯୋଗୀତାର କୃତକାର୍ଯ୍ୟ ହେଉଥିବା ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା, ତା ମଧ୍ୟରୁ ବରିଷ୍ଟ ବର୍ଗର ତର୍କ ପ୍ରତିଯୋଗିତାରେ ସବିତା ପେଦା ଓ କନିଷ୍ଠ ବର୍ଗରେ ଶାନ୍ତିପ୍ରିୟ ଗୁଡିଆ , ସାଧାରଣ ଜ୍ଞାନରେ ଅଞଳି ମାଡକାମୀ ଓ ତୁଳସୀ ଶିଷା , ରଙ୍ଗୋଲି ଚିତ୍ର ପ୍ରତିଯୋଗିତାରେ ଅଞନା ଦିସାରୀ ଓ ସୁମିତା ମାଢୀ ପ୍ରମୁଖ ପ୍ରଥମ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । ଶେଷରେ ଛାତ୍ରୀମାନେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ପରିବେଷଣ କରିଥିଲେ ଯାହାକୁ ସମସ୍ତ ଅତିଥି, ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ, ଅଭିଭାବକ, ଅଣଶିକ୍ଷା କର୍ମଚାରୀ ଓ ପରିଚାଳନା ପରିଷଦର ସଭ୍ୟ ସଭ୍ୟାମାନେ ମନଭରି ଉପଭୋଗ କରିଥିଲେ । ଶିକ୍ଷକ ବିଭୁପଦ ସାହୁ ସମ୍ପୁର୍ଣ୍ଣ କାର୍ଯ୍ୟକ୍ରମର ମଞ୍ଚ ପରିଚାଳନା ଓ ଶବ୍ଦ ସଞ୍ଚାଳନ କରିଥିଲେ ।
-----------
---------------
ହିନ୍ଦୁସ୍ଥାନ ସମାଚାର / ଶିବବ୍ରତ
