ଭୁବନେଶ୍ୱର, 21 ଡିସେମ୍ବର (ହି.ସ.) ଆସନ୍ତା ୨୬ ତାରିଖରେ ପ୍ରଦେଶ ସ୍ତରରେ ‘ଜନ ଜାଗରଣ ଆନ୍ଦୋଳନ’ କରିବ ବୋଲି ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି) ଘୋଷଣା କରିଛି। ଏହି ସୂଚନା ପିସିସି ସଭାପତି ଭକ୍ତ ଚରଣ ଦାସ ଦେଇଛନ୍ତି।

ଭକ୍ତ ଚରଣ ଦାସ କହିଛନ୍ତି ଯେ ଟାଟା ପାୱାରର କଥିତ ମନମାନି, ବଢ଼ୁଥିବା ବିଦ୍ୟୁତ୍ ଦର ଏବଂ ଉପଭୋକ୍ତାଙ୍କ ଉପରେ ଅନ୍ୟାୟ ବିରୋଧରେ କଂଗ୍ରେସ ରାଜରାସ୍ତାକୁ ଓହ୍ଲାଇବ। ସାଧାରଣ ଲୋକଙ୍କ ସ୍ୱାର୍ଥର ସୁରକ୍ଷା ପାଇଁ ଏହି ଆନ୍ଦୋଳନ ଆବଶ୍ୟକ ବୋଲି ସେ କହିଛନ୍ତି ।

ଟାଟା ପାୱାରକୁ ଓଡ଼ିଶାରୁ ବିଦା କରିବା ପର୍ଯ୍ୟନ୍ତ କଂଗ୍ରେସ ଆନ୍ଦୋଳନ ଜାରି ରଖିବ ବୋଲି ସେ ଚେତାବନୀ ଦେଇଛନ୍ତି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ