ଭୁବନେଶ୍ୱର ,୨୨ ଡିସେମ୍ବର (ହି.ସ.) - ଉତ୍ସର୍ଗୀକୃତ ଏବଂ ସତର୍କତାକୁ ସ୍ୱୀକୃତି ଦେଇ ଏକ ପ୍ରଶଂସନୀୟ ପଦକ୍ଷେପ ସ୍ୱରୂପ ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଟ୍ରେନ ପରିଚାଳନାର ନିରାପତା ଏବଂ ଦକ୍ଷତା ସୁନିଶ୍ଚିତ କରିବାରେ ଉଲ୍ଲେଖନୀୟ କାର୍ଯ୍ୟଦକ୍ଷତା ଏବଂ ସତର୍କତା ପାଇଁ ଆଠ ଜଣ ରେଳ କର୍ମଚାରୀଙ୍କୁ ସମ୍ମାନିତ କରିଛନ୍ତି ।
ସମ୍ମାନିତ କର୍ମଚାରୀମାନେ ହେଲେ: ବୋନି କିରଣ କୁମାର, ଷ୍ଟେସନ ସୁପରିଟେଣ୍ଡେଂଟ, ଜଗୟାପାଲେମ , କଲ୍ଲେପାଲି ସୁନୀଲ, ଟେକ୍ନିସିଆନ୍-୧ /ସି ଆଣ୍ଡ ଡବ୍ଲୁ, ବିଶାଖାପାଟଣା , ପିଲ୍ଲାଲା ରାମୁ, ଟ୍ରାକ ମେେଂଟନର -୪, ଜରାତି , ଭେଙ୍କଟେଶ୍ୱରରାଓ କାୟା, ଗୁଡ଼ସ ଟ୍ରେନ ମ୍ୟାନେଜେର, କୋରାପୁଟ , ଯୋଗୀ ରମେଶ, ଟେକ୍ନିସିଆନ୍-୧ /ସି ଆଣ୍ଡ ଡବ୍ଲୁ , ବିଶାଖାପାଟଣା , ଭି. ସୋମେଶ୍ୱର ରାଓ, ଲୋକୋ ପାଇଲଟ୍ (ମେଲ୍/ଏକ୍ସପ୍ରେସ୍), ଟିଟଲାଗଡ଼ , ଶୁଭେନ୍ଦୁ କୁମାର ସାହୁ, ପଏଣ୍ଟସମ୍ୟାନ୍ 'ଏ', ବଡ଼ବନ୍ଧ ଏବଂ ସତୀଶ କୁମାର, ପଏଣ୍ଟସମ୍ୟାନ୍ 'ଏ', ଚାରବାଟିଆ।
ସେମାନଙ୍କର ସମୟୋଚିତ ପ୍ରତିକ୍ରିୟା ଏବଂ ସକ୍ରିୟ କାର୍ଯ୍ୟ ପରିଚାଳନା ସୁରକ୍ଷାକୁ ସୁନିଶ୍ଚିତ କରିଥିଲା, ସମ୍ଭାବ୍ୟ ବାଧାବିଘ୍ନକୁ ପ୍ରତିରୋଧ କରିଥିଲା ଏବଂ ଭାରତୀୟ ରେଳବାଇର ଉଚ୍ଚ ସୁରକ୍ଷା ମାନକକୁ ବଜାୟ ରଖିଥିଲା।
ଉକ୍ତ କର୍ମଚାରୀ ମାନଙ୍କୁ ସମ୍ବର୍ଦ୍ଧିତ କରିବା ସମୟରେ ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ କର୍ମଚାରୀ ମାନଙ୍କର ପ୍ରତିବଦ୍ଧତା ଏବଂ କଠିନ ପରିଶ୍ରମକୁ ପ୍ରଶଂସା କରିଥିଲେ । ବିଶେଷକରି ରେଳ କର୍ମଚାରୀମାନେ ପ୍ରାୟତଃ କଷ୍ଟକର ପରିସ୍ଥିତିରେ କାମ କରନ୍ତି । ରେଳ ସେବାର ନିରାପତା ଏବଂ ବିଶ୍ୱସନୀୟତା ବଜାୟ ରଖିବାରେ ଟ୍ରାକ୍, ସିଗନାଲ ଏବଂ ଓଏଚଇ ମେେଂଟନର୍ସ, ଲୋକୋ ପାଇଲଟ୍, ଟେକ୍ନିସିଆନ୍ ଏବଂ ଷ୍ଟେସନ ମାଷ୍ଟର ମାନଙ୍କ ସହ ସମସ୍ତ ଆଗଧାଡ଼ିର କର୍ମଚାରୀମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
