ଜୈନପୁର, 20 ଫେବୃଆରୀ

(ହି.ସ)-ଉତ୍ତରପ୍ରଦେଶର ଜୈନପୁର ଜିଲ୍ଲାରେ ଆଜି ସକାଳେ ଦୁଇଟି ସ୍ଥାନରେ ହୋଇଥିବା ସଡକ

ଦୁର୍ଘଟଣାରେ ଆଠଜଣଙ୍କ ମୃତ୍ୟୁ ଘଟିଛି। ଅନେକ ଲୋକ ଗୁରୁତର ଆହତ ହୋଇଛନ୍ତି।ପୋଲିସ କହିଛି ଯେ ମୃତକଙ୍କ

ଚିହ୍ନଟ ପାଇଁ ଉଦ୍ୟମ କରାଯାଉଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସଡକ ଦୁର୍ଘଟଣାକୁ ଅନୁଧ୍ୟାନ

କରି ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି। ଏହା ସହିତ ଆହତମାନଙ୍କୁ ତୁରନ୍ତ

ଡାକ୍ତରଖାନା ପହଁଞ୍ଚାଇ ଜିଲ୍ଲା ପ୍ରଶାସନିକ ଅଧିକାରୀଙ୍କୁ ସେମାନଙ୍କୁ ଉପଯୁକ୍ତ ଚିକିତ୍ସା

ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି। ସେ ଆହତଙ୍କ ଶୀଘ୍ର ଆରୋଗ୍ୟ ହେବାକୁ କାମନା କରିଛନ୍ତି। ପୋଲିସ

ଅଧୀକ୍ଷକ ଡା.କୌସ୍ତୁଭ କହିଛନ୍ତି ଯେ ଥାନା ବଦଲାପୁର ଅଞ୍ଚଳରେ ସରୋଖନପୁର ନିକଟ ରାଜପଥରେ

ବିଳମ୍ବିତ ରାତିରେ ଭକ୍ତମାନଙ୍କ ଦ୍ୱାରା ଭର୍ତ୍ତି ଝାରଖଣ୍ଡ ନମ୍ବରର ସୁମୋ ଅଯୋଧ୍ୟା

ଯାଉଥିଲା।ଏହାକୁ କୌଣସି ଅଜଣା ଗାଡି ଧକ୍କା ଦେଇଥିଲା।ଏଥିରେ କିଛି ଲୋକ ଆହତ ହୋଇଛନ୍ତି।ସେ କହିଛନ୍ତି ଯେ କିଛି ଘଣ୍ଟା ପରେ

ଦିଲ୍ଲୀରୁ ଯାତ୍ରୀଙ୍କୁ ନେଇ ପରିବହନ କରୁଥିବା ହରିୟାଣାର ବସ ଠିଆ ହୋଇଥିବା ଟ୍ରକର ପଛପଟୁ

ଧକ୍କା ଦେଇଥିଲା।ଏହି ଦୁର୍ଘଟଣାରେ ତିନିଜଣଙ୍କ ମୃତ୍ୟୁ ଘଟିଛି ଏବଂ ଅନେକ ଆହତ ହୋଇଛନ୍ତି।ପୋଲିସ

ଅଧୀକ୍ଷକ କହିଛନ୍ତି ଯେ ଉଭୟ ଦୁର୍ଘଟଣାରେ ପ୍ରାୟ ଆଠଜଣଙ୍କ ମୃତ୍ୟୁ ଘଟିଛି।ସମସ୍ତ ଆହତଙ୍କୁ

ଡାକ୍ତରଖାନାରେ ଭର୍ତ୍ତୀ କରାଯାଇଛି।ପାଞ୍ଚଜଣଙ୍କ ଅବସ୍ଥା ଗୁରୁତର ହେବାରୁ ଟ୍ରାମା ସେଣ୍ଟର

ପଠାଯାଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା