ବାରାଣସୀ, ୨୩ ଫେବୃଆରୀ (ହି.ସ.)- ବୈଦେଶିକ ମନ୍ତ୍ରୀ ଡଃ. ଏସ. ଜୟଶଙ୍କର ୫୦ ଦେଶର ଡେଲିଗେଟସଙ୍କ ସହିତ ରବିବାର ବାରାଣସୀରେ ପହଂଚିଥିଲେ । ବାବତପୁର ସ୍ଥିତ ଲାଲ ବାହାଦୁର ଶାସ୍ତ୍ରୀ ଆନ୍ତର୍ଜାତିକ ବିମାନବନ୍ଦରରେ ବୈଦେଶିକ ମନ୍ତ୍ରୀ ଏବଂ ରାଜଦୂତମାନଙ୍କ ମଣ୍ଡଳାୟୁକ୍ତ କୌଶଳରାଜ ଶର୍ମା, ଜିଲ୍ଲା ଅଧିକାରୀ ଏସ. ରାଜଲିଙ୍ଗମ ସମେତ ଭାଜପାର ପଦାଧିକାରୀମାନେ ଏବଂ ଜନପ୍ରତିନିଧି ମାନେ ଏମାନଙ୍କୁ ସ୍ୱାଗତ କରିଥିଲେ । ବିମାନବନ୍ଦରରୁ କଡ଼ା ସୁରକ୍ଷା ମଧ୍ୟରେ ବୈଦେଶିକ ମନ୍ତ୍ରୀ ଏବଂ ଡେଲିଗେଟସ୍ କାଶୀ ହିନ୍ଦୁ ବିଶ୍ୱବିଦ୍ୟାଳୟ(ବିଏଚୟୁ) ପରିସର ସ୍ଥିତ ଓଁକାର ନାଥ ଠାକୁର ସଭାଗାରରେ ଆୟୋଜିତ କାଶୀ ତମିଲ ସଙ୍ଗମମର ତୃତୀୟ ସଂସ୍କରଣରେ ସାମିଲ୍ ହୋଇଥିଲେ । ସଭାଗାରରେ ବୈଦେଶିକ ମନ୍ତ୍ରୀ ଓ ରାଜଦୂତ ଆଇଆଇଟି ବିଏଚୟୁର ଛାତ୍ରମାନେ ଏବଂ ଶିକ୍ଷକ ମାନଙ୍କୁ ମଧ୍ୟ ସମ୍ବୋଧନ କରିବେ । ବୈଦେଶିକ ମନ୍ତ୍ରୀ, ରାଜଦୂତ ମାନଙ୍କ ସହିତ ଆଇଆଇଟି ବିଏଚୟୁ ସହିତ ପରିସରରେ ବିଭିନ୍ନ ପ୍ରତିଷ୍ଠାନଗୁଡିକ ଭ୍ରମଣ କରିବେ । ଏହାପରେ ସେ ଅତିଥି ମାନଙ୍କ ସହିତ ଐତିହାସିକ ସାରନାଥରେ ସଂଗ୍ରହାଳୟ, ବୌଦ୍ଧ ମନ୍ଦିର ଏବଂ ଉତଖନନ ସ୍ଥଳ ବୁଲି ଦେଖିବେ । ଭ୍ରମଣ ପରେ ବାବତପୁର ବିମାନବନ୍ଦରକୁ ଫେରିବେ । ସେଠାରୁ ସଂନ୍ଧ୍ୟା ୫ଟାରେ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀ ଫେରିବାର କାର୍ଯ୍ୟକ୍ରମ ରହିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ