ନୂଆଦିଲ୍ଲୀ, ୨୧ ଫେବୃଆରୀ (ହି.ସ.)- ରାଉଜ ଏବେନ୍ୟୁ କୋର୍ଟ ଦିଲ୍ଲୀର ସ୍ୱତନ୍ତ୍ର ବିଚାରପତି କାବେରୀ ବାବେଜା ୧୯୮୪ ର ଶୀଖ୍ ବିରୋଧୀ ଦଙ୍ଗା ସହିତ ଜଡ଼ିତ ସରସ୍ୱତୀ ବିହାରର ମାମଲାରେ ଦୋଷୀ ସାବ୍ୟସ୍ତ ହୋଇଥିବା ପୂର୍ବତନ କଂଗ୍ରେସ ନେତା ସଜ୍ଜନ କୁମାରଙ୍କ ସଜାର ଅବଧି ଉପରେ ରାୟକୁ ଆଜି ସଂରକ୍ଷିତ ରଖିଛନ୍ତି । ସେ ସମସ୍ତ ପକ୍ଷର ଦଲିଲ୍ ଶୁଣାଣି ପରେ ଫେବୃଆରୀ ୨୫ ତାରିଖରେ ଏନେଇ ଚୂଡ଼ାନ୍ତ ରାୟ ଦେବାକୁ ନିର୍ଦ୍ଦେଶ ଦେଇଛନ୍ତି । ଦୋଷୀ ସଜ୍ଜନ କୁମାରଙ୍କୁ ଫାଶି ଦଣ୍ଡରେ ଦଣ୍ଡିତ କରିବାକୁ ସିବିଆଇ ଏବଂ ଅଭିଯୋଗକାରୀ ଦାବି କରିଛନ୍ତି ।
ପ୍ରକାଶ ଥାଉକି, ଫେବୃଆରୀ ୧୨ ତାରିଖରେ ଏହି ମାମଲାରେ ସଜ୍ଜନ କୁମାରଙ୍କୁ ଦୋଷୀ ସାବ୍ୟସ୍ତ କରିଥିଲେ କୋର୍ଟ । ଏହି ମାମଲା ୧୯୮୪ ନଭେମ୍ବର ୧ ତାରିଖର । ଏହି ଦିନ ପଶ୍ଚିମ ଦିଲ୍ଲୀର ରାଜନଗରରେ ସର୍ଦ୍ଦାର ଜସବନ୍ତ ସିଂହ ଏବଂ ସର୍ଦ୍ଦାର ତରୁଣ ଦୀପ ସିଂହଙ୍କୁ ଜାଳି ହତ୍ୟା କରାଯାଇଥିଲା । ଅଭିଯୋଗକାରୀଙ୍କ ମୁତାବକ, ଏହି ଗୋଷ୍ଠିର ନେତୃତ୍ୱ ନେଉଥିଲେ ସଜ୍ଜନ କୁମାର । ସଜ୍ଜନ କୁମାର ସେତେବେଳେ ବାହାର ଦିଲ୍ଲୀ ଲୋକସଭା ଆସନରୁ କଂଗ୍ରେସ ସାଂସଦ ଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ