ଭୁବନେଶ୍ୱର,୩୦ ମଇ (ହି.ସ.) - ବର୍ଦ୍ଧିତ ଯାତ୍ରୀ ଚାହିଦାକୁ ଦୃଷ୍ଟିରେ ରଖି ଏବଂ ଆରାମଦାୟକ ଉପଲବ୍ଧି ବୃଦ୍ଧି କରାଇବା ପାଇଁ ଭାରତୀୟ ରେଳ ୧୨୮୯୨/୧୨୮୯୧ ପୁରୀ-ବାଙ୍ଗିରିପୋଷି-ପୁରୀ ଏକ୍ସପ୍ରେସରେ ଗୋଟିଏ ଦ୍ୱିତୀୟ ଶ୍ରେଣୀ ଚେୟାର କାର୍ କୋଚ୍ ଅସ୍ଥାୟୀ ଭାବରେ ବୃଦ୍ଧି ଘୋଷଣା କରିଛି ।

ଜୁନ୍ ୧ ଠାରୁ ଏହି ଟ୍ରେନ୍ ୧୫ କୋଚ୍ ସହିତ ପୁରୀରୁ ଚଳାଚଳ କରିବ ଯାହା ପୂର୍ବରୁ ୧୪ କୋଚ୍ ସହିତ ଚଳାଚଳ କରୁଥିଲା - ଏହାକୁ ୩୦ ଜୁନ୍ ପର୍ଯ୍ୟନ୍ତ ବୃଦ୍ଧି କରାଯାଇଛି । ଫେରିବା ମାର୍ଗରେ ଅତିରିକ୍ତ କୋଚ୍ ୨ ଜୁନ୍ ରେ ବାଙ୍ଗିରିପୋଷିରୁ ସଂଲଗ୍ନ ହେବ ଯାହା ୧ ଜୁଲାଇ ପର୍ଯ୍ୟନ୍ତ ଚଳାଚଳ କରିବ।

ଏହି ପଦକ୍ଷେପ ଯାତ୍ରୀ ଯାତାୟାତର ଏକ ବିସ୍ତୃତ ମୂଲ୍ୟାଙ୍କନ ପରେ ନିଆଯାଇଛି ଏବଂ ବର୍ଦ୍ଧିତ ଯାତ୍ରା ଚାହିଦା ପୂରଣ କରିବା ପାଇଁ ଏହା ଉଦ୍ଦିଷ୍ଟ । ବିଶେଷକରି ଏହି ରୁଟ୍ ଦ୍ୱାରା ସେବା ପ୍ରଦାନ କରାଯାଉଥିବା ଆକାଂକ୍ଷୀ ଜିଲ୍ଲାଗୁଡ଼ିକୁ ଟ୍ରେନ ସେବା ଉପଲବ୍ଧି କରାଯାଉଅଛି । ଯୋଡା ଯାଇଥିବା ଚେୟାର କାର୍ କୋଚ୍ ଦୈନିକ ଯାତ୍ରୀ, ପର୍ଯ୍ୟଟକ ଏବଂ ଦୂର-ଦୂରାନ୍ତର ଯାତ୍ରୀଙ୍କ ପାଇଁ ଅଧିକ ଆସନ କ୍ଷମତା ଏବଂ ଉନ୍ନତ ସୁବିଧା ପ୍ରଦାନ କରିବ ।

ଏହି ନିଷ୍ପଲିକୁ ଯାତ୍ରୀ ଏବଂ ଜନପ୍ରତିନିଧିମାନେ ବ୍ୟାପକ ପ୍ରଶଂସା କରିଛନ୍ତି । ସେମାନଙ୍କ ମଧ୍ୟରୁ ଅନେକ ସକ୍ରିୟ ଭାବରେ ଏହି କୋଚ ବୃଦ୍ଧି ପାଇଁ ସମର୍ଥନ ଜଣାଇଛନ୍ତି । ସାମାଜିକ ଗଣମାଧ୍ୟମ ପ୍ଲାଟଫର୍ମ ଏବଂ ସରକାରୀ ମତାମତ ଚ୍ୟାନେଲ ମାଧ୍ୟମରେ ସକାରାତ୍ମକ ମତାମତ ସେୟାର କରାଯାଇଛି ଯାହା ଭାରତୀୟ ରେଳବାଇର ପ୍ରତିକ୍ରିୟାଶୀଳ ଏବଂ ଦକ୍ଷ ସେବା ପ୍ରଦାନ ପ୍ରତି ନିରନ୍ତର ପ୍ରତିବଦ୍ଧତାକୁ ଜନସାଧାରଣଙ୍କ ଅନୁମୋଦନକୁ ପ୍ରତିଫଳିତ କରିଛି ।

ଭାରତୀୟ ରେଳବାଇ ଯାତ୍ରୀ ସୁବିଧା ବୃଦ୍ଧି କରିବା ପାଇଁ ସମର୍ପିତ ଏବଂ ଏପରି ସମୟୋଚିତ ହସ୍ତକ୍ଷେପ ମାଧ୍ୟମରେ ଆହୁରି ଆରାମଦାୟକ ଏବଂ ଦକ୍ଷ ଯାତ୍ରା ଅଭିଜ୍ଞତା ପ୍ରଦାନ କରିବାକୁ ବଦ୍ଧପରିକର ।

---------------

ହିନ୍ଦୁସ୍ଥାନ ସମାଚାର / ବନ୍ଦନା