ଭୁବନେଶ୍ୱର, 25 ଜୁଲାଇ (ହି.ସ.)- ଜୟପୁର ଡେପୁଟି

ରେଞ୍ଜର ରାମଚନ୍ଦ୍ର ନାୟକଙ୍କ ଘରେ ଭିଜିଲାନ୍ସ ଚଢାଉ କରିଛି । ଆୟ ବହିର୍ଭୁତ ସଂପତି ଠୁଳ କରିବା

ଅଭିଯୋଗରେ କୋରାପୁଟ ଜିଲ୍ଲା ଜୟପୁର ଫରେଷ୍ଟ ଡିଭିଜନ ଅଧୀନ ଜୟପୁର ଫରେଷ୍ଟ ରେଂଜର ଡେପୁଟି

ରେଂଜର ଶ୍ରୀ ରାମଚନ୍ଦ୍ର ନେପାକଙ୍କ ଘରେ ଭିଜିଲାନ୍ସ ରେଡ୍ କରିଛି । ଜୟପୁର ଭିଜିଲାନ୍ସର

ସ୍ୱତନ୍ତ୍ର ବିଚାରପତିଙ୍କ ପକ୍ଷରୁ ଜାରି ୱାରେଣ୍ଟ ବଳରେ ଓଡ଼ିଶା ଭିଜିଲାନ୍ସ ପକ୍ଷରୁ ଏହି ରେଡ୍

କରାଯାଇଛି । ଏହି ଚଢାଉରେ 6ଜଣ ଡିଏସପି, 5 ଇନସପେକ୍ଟର, 9 ଏଏସଆଇ ଓ ଅନ୍ୟ ଷ୍ଟାଫ ସାମିଲ

ଅଛନ୍ତି । ଜୟପୁର ଓ ଭୁବନେଶ୍ୱରର 6ଟି ସ୍ଥାନରେ ଚଢାଉ କରାଯାଇଛି ।

ଜୟପୁର ଟାଉନରେ ଏନକେଟି

ରୋଡରେ ଥିବା ପୈତୃକ ଘର, ଜୟପୁର ସହରରେ ଗୋଲ୍ଡେନ ହାଇଟ ରେସିଡେନ୍ସିଆଲ ଆପାର୍ଟମେଂଟରେ ଥିବା

ଦୁଇଟି ଫ୍ଲାଟ, ଭୁବନେଶ୍ୱର ରଘୁନାଥପୁର ସ୍ଥିତ ତାଙ୍କ ଭାଇଙ୍କ ଘର, ଜୟପୁର ସହରରେ ଥିବା ତାଙ୍କ

ଶ୍ୱଶୁର ଘର ଓ ଜୟପୁର ଫରେଷ୍ଟ ରେଂଜ ସ୍ଥିତ ତାଙ୍କ କାର୍ଯ୍ୟାଳୟରେ ଚଢାଉ କରାଯାଇଛି ।

ଯାଞ୍ଚ ବେଳେ ରାମଚନ୍ଦ୍ରଙ୍କ

ଘରୁ ମିଳିଲାଣି ୧ କୋଟି ୪୪ ଲକ୍ଷ ଟଙ୍କା । ଏହାସହିତ ୫୦୦ ଟଙ୍କିଆ ଓ ୨୦୦ ଟଙ୍କିଆ ନୋଟ୍ ବିଡ଼ା

ଜବତ । ୪ଟି ସୁନା ବିସ୍କୁଟ୍ ଓ ୧୬ଟି ସୁନା କଏନ୍ ବି ମିଳିଥିବା ସୂଚନା ମିଳିଛି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା