ବଲାଙ୍ଗୀର, ୨୬ ଜୁଲାଇ(ହି.ସ.) – ସ୍ଥାନୀୟ ବେବି ବବୁଲ୍ସ ପ୍ଲେ ସ୍କୁଲ, ସ୍ୱର୍ଣ୍ଣଭବନ, ଖୁଜେନପାଲି ବଲାଙ୍ଗୀର ଠାରେ ମାହେଶ୍ୱରୀର ଏକ ଗୁରୁତ୍ୱପୂର୍ଣ୍ଣ କେନ୍ଦ୍ରୀୟ କମିଟି ବୈଠକ ଅନୁଷ୍ଠିତ ହୋଇଅଛି। ଏହି ସଭାରେ ବଲାଙ୍ଗୀର ଜିଲ୍ଲାର ଆଗଲପୁର, ଲୋଇସିଂହା, ଦେଓଗାଁ, ଟିଟିଲାଗଡ଼, ଖପ୍ରାଖୋଲ, ପାଟଣାଗଡ଼, ବଲାଙ୍ଗୀର ସଦର ଏବଂ ସୁବର୍ଣ୍ଣପୁର ଜିଲ୍ଲାର ତରଭାର ବ୍ଲକ ଅଧ୍ୟକ୍ଷ ଓ ସଂଯୋଜକମାନେ ଉପସ୍ଥିତ ଥିଲେ। ଏହି ବୈଠକରେ ମାହେଶ୍ୱରୀ ସଂଗଠନର ସାଂଗଠନିକ ବୃଦ୍ଧି, ଯୁବ ଶକ୍ତିର ସଠିକ୍ ଦିଗରେ ପ୍ରବାହ ଓ ସମାଜକୁ ଉନ୍ନତିର ପଥରେ ଆଗେଇନେବା ବିଷୟରେ ଚର୍ଚ୍ଚା ହେଲା। ଏହି ମାନ୍ୟତା ସହିତ ଏହି ବର୍ଷ ମଧ୍ୟରେ ଗୋଟିଏ ବଡ଼ ରୂପରେ ରକ୍ତଦାନ ଶିବିର, ବୃକ୍ଷରୋପଣ, ନାରୀ ସଶକ୍ତିକରଣ ଅଭିଯାନ ଓ ସଚେତନତା କାର୍ଯ୍ୟକ୍ରମ ବିଭିନ୍ନ ବ୍ଲକରେ ଅନୁଷ୍ଠିତ କରାଯିବା ନିଷ୍ପତି ହୋଇଛି। ବିଶେଷ ଭାବରେ ଗ୍ରାମ ଓ ପଂଚାୟତ ସ୍ତରରେ ଯୁବମାନେ ଅଗ୍ରଣୀ ଭୂମିକା ନିର୍ବାହ କରିବେ। ସଭାରେ ମାହେଶ୍ୱରୀ ପରିବାରର ମୁଖ୍ୟ ନେତୃତ୍ୱ ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ, ସଭାପତି ଶୋଭନ କୁମାର ଅଗ୍ରୱାଲ ଓ ସବୁ ବ୍ଲକ ସଭାପତି ଏବଂ ସଂଯୋଜକମାନେ ସଂଗଠନର ଭବିଷ୍ୟତ ନୀତି ଓ କାର୍ଯ୍ୟ ପ୍ରଣାଳୀ ବିଷୟରେ ମନ୍ତବ୍ୟ ରଖିଥିଲେ। ମାହେଶ୍ୱରୀ ଏକ ସମିତି ମଂଚ ଯାହା ଏବେ ବଲାଙ୍ଗୀର ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଭାବେ ଉଦୟମାନ ହେଉଛି। ଏହି ପ୍ରୟାସ ମାଧ୍ୟମରେ ଏକ ଶକ୍ତିଶାଳୀ ସମାଜ ଗଠନ ଓ ଯୁବକମାନେ ନେତୃତ୍ୱ ଭାବ ନେବା ଆହ୍ୱାନ ଦିଆଯାଇଛି।
ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
