ଜୟପୁର, ୧୪ ସେପ୍ଟେମ୍ବର (ହି.ସ.)- ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଦଶହରା ମହୋତ୍ସବ କମିଟି ଏକ ସ୍ମରଣିକା ପ୍ରକାଶ କରିବେ। ଏହାର ଏକ ପ୍ରସ୍ତୁତି ବୈଠକ ଜୟପୁର ମାନ୍ୟବର ବିଧାୟକ ତାରା ପ୍ରସାଦ ବାହିନୀପତିଙ୍କ ବାସଭବନ ସ୍ଥିତ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ବିଧାୟକଙ୍କ ପୃଷ୍ଠପୋଷକତାରେ ' ଅପରାଜିତା-୨୦୨୫ ' ନାମିତ ଏହି ସ୍ମରଣିକାରେ ଜୟପୁରର ଐତିହ୍ୟ, ଗୌରବ ଓ ଗବେଷଣାତ୍ମକ ଲେଖା ମାନ ପ୍ରକାଶ ପାଇବ। ଏଥିରେ ଡ. ପରେଶ୍ ରଥ ସମ୍ପାଦକ ଓ ସମ୍ପାଦନା ମଣ୍ଡଳୀରେ ଡ. ସୁରେଶ ଦାସ, ନବକୃଷ୍ଣ ରଥ, ହରିହର କରସୁଧା ପଟ୍ଟନାୟକ, ଡ.ସୁଧାଂଶୁ ଶେଖର ପଟ୍ଟନାୟକ, ଶ୍ରୀନାଥ ମିଶ୍ର, ନିହାର ରଞ୍ଜନ ବିଶୋଇ ପ୍ରମୁଖ ରହିଛନ୍ତି। ଅଞ୍ଚଳର ଜ୍ଞାନୀ, ଗୁଣି ଲେଖକ ଓ ଗବେଷକ ମାନଙ୍କ ଠାରୁ ଲେଖା ସଂଗ୍ରହ ପାଇଁ ଆହ୍ବାନ କରାଯାଇଛି।

ହିନ୍ଦୁସ୍ଥାନ ସମାଚାର / ପିକେପି