ପୁରୀ, 21 ସେପ୍ଟେମ୍ବର (ହି.ସ.)-ପିତୃପକ୍ଷର
ଅନ୍ତିମ ତିଥି ମହାଳୟାର ପବିତ୍ର ଅବସରରେ ରବିବାର ପୁରୀରେ ହଜାର ହଜାର ଶ୍ରଦ୍ଧାଳୁ ପିତୃପୁରୁଷଙ୍କ
ଆତ୍ମାର ଶାନ୍ତି ଓ ମୋକ୍ଷ ପାଇଁ ଶ୍ରଦ୍ଧାର ସହିତ ପିଣ୍ଡଦାନ କରିବାକୁ ଏକତ୍ର ହୋଇଛନ୍ତି।
ଶ୍ରୀଜଗନ୍ନାଥ ମନ୍ଦିରର
ଉତ୍ତର ଦ୍ୱାର, ମହୋଦଧି
ଏବଂ ବିଭିନ୍ନ ତୀର୍ଥ ପୁଷ୍କରିଣୀରେ ଭକ୍ତମାନେ ତାଙ୍କର ପିତୃ ପକ୍ଷ ଓ ମାତୃ ପକ୍ଷର ତିନି ପିଢିର
ପୂର୍ବଜଙ୍କୁ ତିଳ ତର୍ପଣ ଅର୍ପଣ କରି ପୁଣ୍ୟ ଲାଭ ଓ ପାରିବାରିକ ମଙ୍ଗଳ ନିମନ୍ତେ ପ୍ରାର୍ଥନା
କରିଛନ୍ତି ।
ମାନ୍ୟତା ଅନୁଯାୟୀ, ପିତୃପକ୍ଷ ସମୟରେ ପୂର୍ବଜମାନେ ପୃଥିବୀ ଲୋକକୁ ଆସିଥାନ୍ତି ଓ ଏହି
ସମୟରେ ଶ୍ରଦ୍ଧା, ପିଣ୍ଡଦାନ
ଓ ତର୍ପଣ ପରି ଅନୁଷ୍ଠାନ ମାଧ୍ୟମରେ ସେମାନଙ୍କର ସ୍ମୃତିକୁ ସମ୍ମାନ ଦିଆଯାଏ ଓ ସେମାନଙ୍କର ଆଶୀର୍ବାଦ
ପାଇଁ ପ୍ରାର୍ଥନା କରାଯାଏ। ବିଶେଷ କରି ମହାଳୟା ଦିନରେ କରାଯାଇଥିବା ପିଣ୍ଡଦାନ ଆତ୍ମାର ମୁକ୍ତି
ଓ ଶାନ୍ତିକୁ ସୁନିଶ୍ଚିତ କରେ।
ପୁରୀର ଶ୍ୱେତଗଙ୍ଗା
ପୁଷ୍କରିଣୀ, ମାର୍କଣ୍ଡେୟ
ପୁଷ୍କରିଣୀ, ନରେନ୍ଦ୍ର
ପୁଷ୍କରିଣୀ ଓ ଇନ୍ଦ୍ରଦ୍ୟୁମ୍ନ ପୁଷ୍କରିଣୀରେ ମଧ୍ୟ ମହାଳୟା ଅବସରରେ ବିଶେଷ ପୂଜା-ଅର୍ଚ୍ଚନା ଓ
ପିଣ୍ଡଦାନର ଆୟୋଜନ ହୋଇଥିଲା। ଶ୍ରଦ୍ଧାଳୁମାନେ ଅଟା, ଚାଉଳ ଓ ଭଗବାନ ଜଗନ୍ନାଥଙ୍କ ମହାପ୍ରସାଦ ଦ୍ୱାରା ପ୍ରସ୍ତୁତ ପିଣ୍ଡ
ଅର୍ପଣ କରି ତାଙ୍କର ପୂର୍ବଜମାନଙ୍କୁ ସ୍ମରଣ କରିଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା