ନୂଆପଡ଼ା, ୧୬ ଜାନୁଆରୀ (ହି.ସ.)- ନୂଆପଡ଼ା ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ଆଜି ପ୍ରଧାନମନ୍ତ୍ରୀ ଧନ ଧାନ୍ୟ କୃଷି ଯୋଜନାର ଏକ ସମୀକ୍ଷା ବୈଠକ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି।ଏହି ଅବସରରେ କେନ୍ଦ୍ରୀୟ କୃଷି ମନ୍ତ୍ରଣାଳୟ, ଦିଲ୍ଲୀ ନିର୍ଦ୍ଦେଶକ ତଥା କେନ୍ଦ୍ରୀୟ ନୋଡାଲ ଅଧିକାରୀ ନଟବର ପାଲ ଏହି ଯୋଜନା ଅନ୍ତର୍ଗତ ବିଭିନ୍ନ କାର୍ଯ୍ୟାବଳୀରେ ଜିଲ୍ଲାର ଅଗ୍ରଗତିର ସମୀକ୍ଷା କରିଥିଲେ। ସଂପୃକ୍ତ ଅଧିକାରୀମାନଙ୍କୁ ସମର୍ପିତ ଭାବରେ କାମ କରି କୃଷି ତଥା କୃଷକମାନଙ୍କ ଦୃତ ଉନ୍ନତି ପାଇଁ ସମସ୍ତ ପଦକ୍ଷେପ ନେବାପାଇଁ ଆହ୍ୱାନ ଦେଇଥିଲେ କ୍ଷ ସେ ଜିଲ୍ଲା ପ୍ରଶାସନକୁ ଜିଲ୍ଲାରେ ଥିବା ବିଭିନ୍ନ ଶିଳ୍ପାନୁଷ୍ଠାନଗୁଡ଼ିକୁ ତାଙ୍କର ଶିଳ୍ପସଂସ୍ଥା ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମ ଅନ୍ତର୍ଗତ ବିଭିନ୍ନ ବ୍ଲକକୁ ପୋଷ୍ୟ ରୂପେ ଗ୍ରହଣ କରି ଏହାର କୃଷି ବିକାଶ କରିବାକୁ ଆହ୍ୱାନ ଦେଇଥିଲେ।ଏହି ସମୀକ୍ଷା ବୈଠକରେ ଇନ୍ଦିରା ଗାନ୍ଧୀ କୃଷି ବିଶ୍ୱବିଦ୍ୟାଳୟ, ରାୟପୁରର ବରିଷ୍ଠ ବୈଜ୍ଞାନିକ ଡକ୍ଟର ରାମ ମୋହନ ସାହୁ, ଜିଲ୍ଲା ମୁଖ୍ୟ କୃଷି ଅଧିକାରୀ ପ୍ରଦୀପ କୁମାର ନାୟକ, ଉପ ନିର୍ଦ୍ଦେଶକ, ପରିସଂଖ୍ୟାନ ଦିଲେଶ୍ୱର ଧରୁଆ, ଉପ ନିର୍ଦ୍ଦେଶକ ଉଦ୍ୟାନ କୃଷି ହରେକୃଷ୍ଣ ଚାନ୍ଦ ହାଁସଦା ଏବଂ ସଂମ୍ପୃକ୍ତ ବିଭିନ୍ନ ଜିଲ୍ଲା ସ୍ତରୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ। ଗସ୍ତ ଅବସରରେ ନିର୍ଦ୍ଦେଶକ ଶ୍ରୀ ପାଲ କୋମନା ବ୍ଲକ ଅନ୍ତର୍ଗତ ରେଙ୍ଗ ଗ୍ରାମରେ ଏକ ଛେଳି ଚାଷ ୟୁନିଟ୍‌, ଡୁମେରପାଣି ଗ୍ରାମର ମାଛ ଚାଷ ପ୍ରକଳ୍ପ ଓ ମହୁଲଭଟାର ଏକ ଚିଙ୍ଗୁଡ଼ି ଚାଷ ପ୍ରକଳ୍ପ ପରିଦର୍ଶନ କରିଥିଲେ। ଚାଷୀମାନଙ୍କୁ ଉତ୍ସାହିତ କରିବା ସହିତ ସମନ୍ୱିତ କୃଷି ପ୍ରଣାଳୀ ଆପଣେଇ ସମୃଦ୍ଧ ହେବା ପାଇଁ ପରାମର୍ଶ ଦେଇଥିଲେ।

.......................................

ହିନ୍ଦୁସ୍ଥାନ ସମାଚାର / ହେମନ୍ତ