ଗ୍ୱୋହାଟୀ, ୦୬ ଜାନୁଆରୀ(ହି.ସ.) – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୮ ଜାନୁଆଣୀକୁ ଆସାମ ଗସ୍ତରେ ଆସିବେ। ଏହି ଅବସରରେ ସେ କଲିୟାବରର ମୌଚନ୍ଦାରେ ପ୍ରସ୍ତାବିତ ଏଲିବେଟେଡ କରିଡୋର ପରିଯୋଜନାର ଶିଳାନ୍ୟାସ କରିବେ। ଏହାର ସୂଚନା ଆସାମ ମୁଖ୍ୟମନ୍ତ୍ରୀ ଡା. ହେମନ୍ତ ବିଶ୍ୱ ସରମା ମଙ୍ଗଳବାର ଦିନ ଦେଇଛନ୍ତି।
ମୁଖ୍ୟମନ୍ତ୍ରୀ ସରମା କହିଛନ୍ତି ଯେ ଏହି ଏଲିବେଟେଡ କରିଡୋର ପରିଯୋଜନା କଲିୟାବର କ୍ଷେତ୍ରରେ ଯାତାୟାତ ବ୍ୟବସ୍ଥାକୁ ସୁଦୃଢ଼ କରିବା ସହିତ କ୍ଷେତ୍ରୀୟ ବିକାଶର ନୂଆ ଗତି ପ୍ରଦାନ କରିବ। ସେ କହିଛନ୍ତି ଯେ ଏହି ପରିଯୋଜନା ରାଜ୍ୟ ସରକାର ଦ୍ୱାରା ଐତିହ୍ୟ ଢାଂଚକୁ ମଜଭୁତ କରିବା ପାଇଁ କରାଯାଉଥିବା ବ୍ୟାପକ ପ୍ରୟାସର ମୁଖ୍ୟ ଅଂଶ ହେବେ।
ଡା. ସରମା ଏହା ମଧ୍ୟ କହିଛନ୍ତି ଯେ ବିହୁ ଏବଂ ଝୁମଇର ନୃତ୍ୟର ରେକର୍ଡ଼ ପ୍ରଦର୍ଶନ ପରେ ଏବେ ରାଜ୍ୟ ସରକାର ବାଗୁରୁମ୍ବା ନୃତ୍ୟ ମାଧ୍ୟମରେ ଏକ ଅନ୍ୟ ସାଂସ୍କୃତିକ ଉପଲବ୍ôଧ ହାସଲ କରିବାକୁ ଦିଗରେ ଆଗକୁ ବଢ଼ୁଛି। ଏହି କ୍ରମରେ ସରୁସଜାଇ ଷ୍ଟାଡିୟମରେ ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ପ୍ରାୟ ୧୦ହଜାର କଳାକାର ବାଗୁରୁମ୍ବା ନୃତ୍ୟର ସାମୂହିକ ପ୍ରଦର୍ଶନ କରିବେ।
ସେ କହିଛନ୍ତି ଯେ ଏହି ଭବ୍ୟ ସାଂସ୍କୃତିକ ଆୟୋଜନର ପ୍ରସ୍ତୁତି ଜୋର୍ସୋର୍ରେ ଚାଲୁରହିଛି। ଏଥିପାଇଁ ଗ୍ୱୋହାଟୀରେ ୪୦୦ରୁ ଅଧିକ ମାଷ୍ଟର ଟ୍ରେନର ଦ୍ୱାରା କଳାକାରଙ୍କୁ ପ୍ରଶିକ୍ଷଣ ଦିଆଯାଉଛି, ତେବେ କାର୍ଯ୍ୟକ୍ରମର ଆୟୋଜନ ସୁବ୍ୟବସ୍ଥିତ ଏବଂ ଉଚ୍ଚସ୍ତରର ହୋଇପାରେ।
ମୁଖ୍ୟମନ୍ତ୍ରୀ କହିଛନ୍ତି ଯେ ଏଥିରେ ଆସାମର ସମୃଦ୍ଧ ସାଂସ୍କୃତିକ ଐତିହ୍ୟକୁ ରାଷ୍ଟ୍ରୀୟ ମଂଚରେ ପ୍ରଦର୍ଶିତ କରିବା ଦିଗରେ ଏକ ମହତ୍ୱପୂର୍ଣ୍ଣ ପଦକ୍ଷେପ ସାବ୍ୟସ୍ତ ହେବ।
ହିନ୍ଦୁସ୍ଥାନ ସମାଚାର/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି