ପ୍ୟାରିସ, 08 ଜାନୁଆରି (ହି.ସ.)- ଫ୍ରାନ୍ସ ଗସ୍ତରେ ଥିବା ଭାରତର ବିଦେଶମନ୍ତ୍ରୀ ଡ଼. ଏସ୍‌ ଜୟଶଙ୍କର ପ୍ରଥମ ଥର

ପାଇଁ ୱାଇମର (ଜର୍ମାନୀ, ଫ୍ରାନ୍ସ,

ପୋଲାଣ୍ଡ)

ସମକକ୍ଷଙ୍କ ସହ ବିଶ୍ୱବ୍ୟାପୀ ପ୍ରସଙ୍ଗଗୁଡ଼ିକ ଉପରେ ଆଲୋଚନା କରିଛନ୍ତି। ଏହି ଅବସରରେ ଡ଼.

ଜୟଶଙ୍କର ଭାରତ–ୟୁରୋପିୟ ସଂଘ ସମ୍ପର୍କକୁ ସୁଦୃଢ଼ କରିବା ସହିତ ଇଣ୍ଡୋ–ପ୍ୟାସିଫିକ (ହିନ୍ଦ–ପ୍ରଶାନ୍ତ) ଅଞ୍ଚଳର

ସମସ୍ୟାଗୁଡ଼ିକ ଉପରେ ମଧ୍ୟ ଆଲୋଚନା କରିଥିଲେ।

ଡ଼. ଜୟଶଙ୍କର ଏକ୍ସ ପୋଷ୍ଟରେ ଫଟୋ ସହିତ ଏହି ସୂଚନା ସେୟାର କରିଛନ୍ତି। ସେ କହିଛନ୍ତି ଯେ

ଏହି ଆଲୋଚନାରେ ୟୁକ୍ରେନ୍ ସଂଘର୍ଷ ଉପରେ ମତବିନିମୟ କରାଯାଇଛି। ଖୋଲା ଓ ସ୍ପଷ୍ଟ ଆଲୋଚନାରେ

ଭାରତ ଏହି ବିଷୟଗୁଡ଼ିକ ଉପରେ ନିଜ ମତ ରଖିଛି। ବୈଠକ ପରେ ଯୁଗ୍ମ ସାମ୍ବାଦିକ ସମ୍ମିଳନୀ

ମାଧ୍ୟମରେ ୱାଇମର ଓ ଭାରତର ଦୃଷ୍ଟିକୋଣ ସମ୍ପର୍କରେ ବିଶ୍ୱକୁ ଅବଗତ କରାଯାଇଛି।

ଏହା ପୂର୍ବରୁ ଭାରତୀୟ ବିଦେଶମନ୍ତ୍ରୀ ଡ଼. ଜୟଶଙ୍କର ଫ୍ରାନ୍ସର ବିଦେଶମନ୍ତ୍ରୀ ଜିନ୍‌

ନୋଏଲ୍‌ ବାରୋ ସହ ସାକ୍ଷାତ ପରେ କହିଥିଲେ ଯେ ୟୁରୋପ ବିଶ୍ୱସ୍ତରରେ ଏକ ଗୁରୁତ୍ୱପୂର୍ଣ୍ଣ

ଖେଳାଳି ଏବଂ ଭାରତ ଓ ୟୁରୋପ ମଧ୍ୟରେ ସମ୍ପର୍କ ମଜବୁତ ହେବା ଆବଶ୍ୟକ। ଭାରତ ଓ ଫ୍ରାନ୍ସ ବିଶ୍ୱ

ରାଜନୀତି ଓ ଅର୍ଥନୀତିରେ ସ୍ଥିରତା ଆଣିପାରିବେ। ଡ଼. ଜୟଶଙ୍କର କହିଛନ୍ତି ଯେ ଆସନ୍ତା କିଛି ସପ୍ତାହରେ

ଭାରତ ଜର୍ମାନୀର ଚ୍ୟାଲେଂଜର ଫ୍ରେଡରିକ୍‌ ମେର୍ଜ୍‌, ଫ୍ରାନ୍ସର ରାଷ୍ଟ୍ରପତି

ଇମ୍ମାନୁଏଲ୍‌ ମାକ୍ରୋ ଏବଂ ୟୁରୋପିୟ ସଂଘର ଶୀର୍ଷ ନେତୃତ୍ୱଙ୍କୁ ଆତିଥ୍ୟ ଦେବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା