
ଉଜ୍ଜୟିନୀ, ୨୦ ନଭେମ୍ବର (ହି.ସ.)। ମଧ୍ୟପ୍ରଦେଶର ଉଜ୍ଜୟିନୀସ୍ଥିତ ବିଶ୍ୱପ୍ରସିଦ୍ଧ ଶ୍ରୀ ମହାକାଳେଶ୍ୱର ମନ୍ଦିରରେ ଶୁକ୍ରବାର ଭୋର ୪ଟାରେ ମନ୍ଦିରର ଦ୍ୱାର ଖୋଲିବା ସହ ଭସ୍ମ ଆଳତି ଆରମ୍ଭ ହୋଇଥିଲା। ଏହି ଅବସରରେ ଭଗବାନ ମହାକାଳଙ୍କର ପଞ୍ଚାମୃତ ଅଭିଷେକ କରାଯିବା ସହ ଭାଙ୍ଗ, ଚନ୍ଦନ, ଶୁଖିଲା ଫଳ ଏବଂ ବିଭିନ୍ନ ଅଳଙ୍କାରରେ ଆକର୍ଷଣୀୟ ଶୃଙ୍ଗାର କରାଯାଇଥିଲା। ବାବା ମହାକାଳଙ୍କୁ ଶେଷନାଗଙ୍କ ରୂପା ମୁକୁଟ, ରୂପା ମୁଣ୍ଡମାଳ, ରୁଦ୍ରାକ୍ଷ ମାଳା ଏବଂ ସୁଗନ୍ଧିତ ପୁଷ୍ପମାଳାରେ ସଜ୍ଜିତ କରାଯାଇଥିଲା। ମହାନିର୍ବାଣୀ ଆଖଡ଼ା ପକ୍ଷରୁ ଭଗବାନଙ୍କୁ ଭସ୍ମ ଅର୍ପଣ କରାଯାଇଥିଲା।
ପରମ୍ପରା ଅନୁଯାୟୀ, ପ୍ରଥମେ ସଭାମଣ୍ଡପରେ ବୀରଭଦ୍ରଜୀଙ୍କ କାନରେ ସ୍ୱସ୍ତିବାଚନ କରାଯାଇଥିଲା। ଘଣ୍ଟି ବଜାଇ ଭଗବାନଙ୍କଠାରୁ ଅନୁମତି ନିଆଯିବା ପରେ ରୂପା କବାଟ ଖୋଲାଯାଇଥିଲା। ଏହାପରେ ଗର୍ଭଗୃହର ଦ୍ୱାର ଖୋଲିବା ପରେ ପୂଜକମାନେ ଭଗବାନ ମହାକାଳଙ୍କ ଶୃଙ୍ଗାର ଓହ୍ଲାଇ ଗର୍ଭଗୃହରେ ବିରାଜମାନ ଦେବାଦେବୀଙ୍କ ପୂଜାର୍ଚ୍ଚନା କରିଥିଲେ।
ଭଗବାନଙ୍କ ଜଳାଭିଷେକ ପରେ କ୍ଷୀର, ଦହି, ଘିଅ, ଚିନି, ମହୁ ଏବଂ ବିଭିନ୍ନ ଫଳରସରେ ପ୍ରସ୍ତୁତ ପଞ୍ଚାମୃତରେ ଅଭିଷେକ କରାଯାଇଥିଲା। ଏହାପରେ କର୍ପୂର ଆଳତି ସମ୍ପନ୍ନ ହୋଇଥିଲା।
ହିନ୍ଦୁସ୍ଥାନ ସମାଚାର / ସ୍ୱାଗତିକା