ଗଂଜାମ, 18 ମାର୍ଚ୍ଚ (ହି.ସ.) ଗଞାମ ଜିଲାରେ କଂଗାରୁ କୋର୍ଟ ଥମିବାର ନାଁ ଧରୁନାହିଁ। କିଛିଦିନର ବ୍ୟବଧାନରେ ପୁଣି ଆସିକା କୋଟିନଡା ଫାଣ୍ଡି ଭେଟନଇ ଗାଁରେ ପୁଣି ଏକ କଂଗାରୁ କୋର୍ଟ ସଂଗଠିତ ହୋଇଛି । ଜଣେ ମହିଳାଙ୍କ ସମେତ ୪ଜଣଙ୍କୁ ଗାଁ ମଝିରେ ଏକ ବିଦ୍ୟୁତ ଖୁଣ୍ଟରେ ଏକତ୍ର ବାନ୍ଧି ନିସ୍ତୁକ ମାଡମାରି ଲହୁଲୁହାଣ କରିଥିବା ଅଭିଯୋଗ ହୋଇଛି । ପୀଡିତା ମହିଳାଙ୍କ ଅଭିଯୋଗରେ କୋଟିନଡା ଫାଣ୍ଡିରେ ଏକ ମାମଲା ରୁଜୁ ହୋଇଛି । ତୁରନ୍ତ ଏହି ଘଟଣାରେ ସଂପୃକ୍ତ ଥିବା ବ୍ୟକ୍ତିଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଫାଣ୍ଡି ଅଧିକାରୀ ସୂଚନା ଦେଇଛନ୍ତି ।

---------------

ହିନ୍ଦୁସ୍ଥାନ ସମାଚାର / ହୃଷୀକେଶ