ସମ୍ବଲପୁର, ୨୩, ଏପ୍ରିଲ୍ (ହି.ସ.)

ଆଜି ପୂର୍ବାହ୍ନ ୯ଟା ବେଳେ ଜାତୀୟ ରାଜପଥର ପଲଟନଡେରା ଛକ ନିକଟ ଏକ ବ୍ରିଜ୍ ତଳୁ ଜଣେ ଯୁବକଙ୍କ ମୃତଦେହ ଯୁଯୁମରା ଥାନା ପୋଲିସ ଜବତ କରିଥିବା ଜଣାପଡିଛି । ମୃତକ ଜଣଙ୍କ ସ୍ଥାନୀୟ ଅଞ୍ଚଳର ହୋଇନଥିବା ଯୋଗୁଁ ପୋଲିସ ବହୁ କସରତ କରିଥିଲା । ତେବେ ଶବ ଚିହ୍ନଟରେ ମୃତକ ଜଣଙ୍କ ବୁର୍ଲା ଥାନା ଅନ୍ତର୍ଗତ ସତୁପାଲି ଗ୍ରାମର ବୋଲି ଜଣା ପଡ଼ିଥିଲା । ସେ ଜଣେ ମାନସିକ ଭିନ୍ନକ୍ଷମ ହୋଇଥିବା ବେଳେ ଗତ ଦୁଇ ଦିନ ଧରି ଘରୁ ନିଖୋଜ ରହିଥିଲା ବୋଲି ଜଣାପଡ଼ିଛି । ମୃତକ ଜଣକ ଏକ ଜିନ୍ସ ପ୍ୟାଣ୍ଟ ଓ ଧଳା ଗଞ୍ଜି ପିନ୍ଧିଥିବା ଦେଖାଯାଇଛି । ଯୁଯୁମୁରା ଥାନା ପୋଲିସ ଏ ସମ୍ପର୍କରେ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି ।

---------------

ହିନ୍ଦୁସ୍ଥାନ ସମାଚାର / ଶୈଳେଶ