ଭୁବନେଶ୍ୱର, 24 ଏପ୍ରିଲ୍ (ହି.ସ.)- ଭାରତୀୟ ମଜଦୁର ସଂଘ, ଓଡ଼ିଶାର
ନିରନ୍ତର ପ୍ରୟାସ ଓ ଇଷ୍ଟ କୋଷ୍ଟ ରେଲୱେ ମଜଦୁର ସଂଘର ଲଗାତର ଅନୁସରଣ କାର୍ଯ୍ୟର ପରିଣାମ
ସ୍ୱରୂପ, ଇଷ୍ଟ
କୋଷ୍ଟ ରେଲୱେ ପ୍ରଶାସନ ଏକ ଗୁରୁତ୍ୱପୂର୍ଣ୍ଣ ଆଦେଶ ଜାରି କରି 01.04.2026 ଠାରୁ ରେଲୱେ କର୍ମଚାରୀ ଓ ଅଧିକାରୀମାନଙ୍କର ବେତନରୁ ପ୍ରଫେସନାଲ ଟ୍ୟାକ୍ସ କାଟକୁ
ସମ୍ପୂର୍ଣ୍ଣ ଭାବେ ବନ୍ଦ କରିଦେଇଛି।
ଏହି ନିଷ୍ପତ୍ତି ଓଡ଼ିଶା
ସରକାରଙ୍କ ଦ୍ୱାରା ପ୍ରଫେସନାଲ ଟ୍ୟାକ୍ସ ଆଇନ ବିଲୋପ କରାଯିବା ପରେ ଗ୍ରହଣ କରାଯାଇଛି, ଯାହା
ଫଳରେ ଏବେ ରାଜ୍ୟ ଭିତରେ କାମ କରୁଥିବା ସମସ୍ତ କର୍ମଚାରୀମାନେ ଏହାର ସିଧାସଳଖ ଲାଭ ପାଇବେ।
ଏହି ନିଷ୍ପତ୍ତି ଫଳରେ ଇଷ୍ଟ
କୋଷ୍ଟ ରେଲୱେର ସମସ୍ତ କର୍ମଚାରୀ ଓ ଅଧିକାରୀମାନଙ୍କୁ ପ୍ରତିବର୍ଷ ପ୍ରାୟ 2500 ଟଙ୍କାର
ଆର୍ଥିକ ଆଶ୍ୱସ୍ତି ମିଳିବ, ଯାହାର ଫଳରେ ସେମାନଙ୍କ ବେତନରେ ବୃଦ୍ଧି ହେବ।
ଇଷ୍ଟ କୋଷ୍ଟ ରେଲୱେ ମଜଦୁର
ସଂଘ ଏହି ସଫଳତାକୁ କର୍ମଚାରୀମାନଙ୍କର ଏକତା,
ସଂଗଠନର ଶକ୍ତି ଓ ନିରନ୍ତର ସଂଘର୍ଷର ଫଳ ଭାବେ ବର୍ଣ୍ଣନା କରିଛି।
ସଂଘ କହିଛି ଯେ ଏହା କର୍ମଚାରୀ ହିତ ଦିଗରେ ଏକ ଗୁରୁତ୍ୱପୂର୍ଣ୍ଣ ମାଇଲଷ୍ଟୋନ୍ ଅଟେ।
ସଂଘର ମହାମନ୍ତ୍ରୀ ଶ୍ରୀ
ତ୍ରିଲୋଚନ ସାହୁ ଏହି ଅବସରରେ ସମସ୍ତ କର୍ମଚାରୀଙ୍କୁ ଅଭିନନ୍ଦନ ଜଣାଇ କହିଛନ୍ତି ଯେ ସଂଗଠନ
ଭବିଷ୍ୟତରେ ମଧ୍ୟ କର୍ମଚାରୀମାନଙ୍କର ହିତର ସୁରକ୍ଷା ପାଇଁ ଏଭଳି ସକ୍ରିୟ ରହିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
