ଭଦ୍ରକ, ୨୨ ଜୁନ୍ (ହି.ସ.) - ଭଦ୍ରକ ବନ୍ତଛକ ନିକଟ ଏକ ପରିତ୍ୟକ୍ତ ଘରୁ ଦୁଇ ବ୍ରାଉନସୁଗାର ବେପାରୀଙ୍କୁ ଧରିଛି ଭଦ୍ରକ ପୁଲିସ୍। ଏବଂ ସେମାନଙ୍କ ନିକଟରୁ ୧୦ ଗ୍ରାମ ବ୍ରାଉନସୁଗାର ଜବତ ହୋଇଛି। ଦୁଇ ବ୍ରାଉନସୁଗାର ବେପାରୀ ହେଲେ କଟକ ସଦର ଥାନା ଅଂଚଳର ସ୍ୱାଧୀନ ଦାସ ଓ ବାବୁଲା ବାରିକ। ଏହି ଦୁଇଜଣ ଭଦ୍ରକକୁ ଆସି ବ୍ରାଉନସୁଗାର ନେଇ କଟକ ଯିବାର ଥିଲା। ସେହି ପରିତ୍ୟକ୍ତ ଘରେ ଉଭୟ ରହିଥିବାବେଳେ ସ୍ୱତନ୍ତ୍ର ପୁଲିସ୍ ସ୍କ୍ୱାର୍ଡ ମାଡିବସିଥିଲା। ଭଦ୍ରକ ସହରାଂଚଳ ଥାନାଧିକାରୀ ପ୍ରଭାଂଶୁ ମିଶ୍ର କେଶ୍ ନଂ ୩୯୦/୨୬ ମାମଲା ରୁଜୁ କରି ଉଭୟଙ୍କୁ ଗିରଫ କରିଛନ୍ତି। ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ଥାନାଧିକାରୀ ଶ୍ରୀ ମିଶ୍ର ସୂଚନା ଦେଇଛନ୍ତି। ହିନ୍ଦୁସ୍ଥାନ ସମାଚାର / ପ୍ରମୋଦ

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ