ଭୁବନେଶ୍ୱର, 29 ଜୁନ୍ (ହି.ସ.)

- ମହାପ୍ରତାପୀ

ସମ୍ରାଟ ଗଜପତି କପିଳେନ୍ଦ୍ର ଦେବଙ୍କ ରାଜ୍ୟାଭିଷେକ ଦିବସରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ

ଶୁଭେଚ୍ଛା ଜଣାଇଛନ୍ତି । ଏନେଇ ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ ଏକ ବାର୍ତ୍ତା ସେୟାର

କରି କହିଛନ୍ତି ଯେ, ଓଡ଼ିଆ ସ୍ଵାଭିମାନ,

ବୀରତ୍ଵ ଓ ଶୌର୍ଯ୍ୟର ମୂର୍ତ୍ତିମନ୍ତ ପ୍ରତୀକ ମହାପ୍ରତାପୀ ସମ୍ରାଟ

ଗଜପତି କପିଳେନ୍ଦ୍ର ଦେବଙ୍କ ରାଜ୍ୟାଭିଷେକ ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା

ଓ ଅଭିନନ୍ଦନ।

ସେ କହିଛନ୍ତି ଯେ, ମହାପ୍ରଭୁ

ଶ୍ରୀଜଗନ୍ନାଥଙ୍କୁ ସାକ୍ଷୀ ରଖି ଓଡ଼ିଆ ଜାତିକୁ ଏକ ସୂତ୍ରରେ ବାନ୍ଧିବା ସହ ଏକ ବିଶାଳ ଓ ଅଜେୟ

ସାମ୍ରାଜ୍ୟ ଗଠନ କରିଥିବା ଗଜପତି କପିଳେନ୍ଦ୍ର ଦେବଙ୍କ ବୀରଗାଥା ଆମ ଇତିହାସର ସ୍ଵର୍ଣ୍ଣିମ

ଅଧ୍ୟାୟ। କେବଳ ରଣାଙ୍ଗନରେ ନୁହେଁ, ଓଡ଼ିଆ ଭାଷା,

ସାହିତ୍ୟ ଓ ସଂସ୍କୃତିର ସୁରକ୍ଷା ତଥା ସାଂସ୍କୃତିକ ନବଜାଗରଣ ପାଇଁ

ତାଙ୍କର ଅବଦାନ ଅତୁଳନୀୟ।

ଏହି ଗୌରବମୟ ଦିବସରେ ସେହି

ମହାନ ଜନନାୟକଙ୍କ ପରାକ୍ରମକୁ ସ୍ମରଣ କରି ଏକ ସମୃଦ୍ଧ,

ଶକ୍ତିଶାଳୀ ଓ ସ୍ଵାଭିମାନୀ ଓଡ଼ିଶା ଗଠନ ପାଇଁ ସଂକଳ୍ପବଦ୍ଧ ହେବାକୁ

ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା