ଭୁବନେଶ୍ୱର, 05 ଜୁନ୍ (ହି.ସ.)- ଗୋଟିଏ ବୃକ୍ଷ
ମାଆଙ୍କ ନାମରେ’ ଅଭିଯାନରେ ନିଜ ବାସଭବନରେ ବୃକ୍ଷରୋପଣ କରିଛନ୍ତି କେନ୍ଦ୍ରମନ୍ତ୍ରୀ
ଧର୍ମେନ୍ଦ୍ର ପ୍ରଧାନ ।
ଏନେଇ ସୋସିଆଲ ମିଡିଆ
ଏକ୍ସରେ ଏକ ବାର୍ତ୍ତାରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଜୀଙ୍କ ଆହ୍ୱାନରେ ଆରମ୍ଭ ହୋଇଥିବା ‘ଗୋଟିଏ ବୃକ୍ଷ ମାଆଙ୍କ ନାମରେ’ ଅଭିଯାନ ଆଜି ଜନଆନ୍ଦୋଳନର ରୂପ ଧାରଣ କରି ପରିବେଶ ସୁରକ୍ଷା ଓ ଭାବନାତ୍ମକ ସମ୍ପର୍କର ଏକ
ପ୍ରେରଣାଦାୟକ ପ୍ରତୀକ ହୋଇଯାଇଛି।
ଏହି ପ୍ରେରଣାରେ ଆଜି ନିଜ ବାସଭବନରେ
ମୋର ମାଆଙ୍କ ସହ ତାଙ୍କ ସମ୍ମାନରେ ଗୋଟିଏ ଗଛ ରୋପଣ କରିଲି। ଏହି ମୁହୂର୍ତ୍ତ କେବଳ ବୃକ୍ଷାରୋପଣ
ନୁହେଁ, ମାଆ ପ୍ରତି କୃତଜ୍ଞତା ଓ
ପ୍ରକୃତି ପ୍ରତି ଆମର ସାମୂହିକ ଦାୟିତ୍ୱର ଏକ ସୁନ୍ଦର ସଙ୍ଗମ ଅଟେ।
କେନ୍ଦ୍ରମନ୍ତ୍ରୀ କହିଛନ୍ତି
ଯେ,ଆମେ ସମସ୍ତେ ଏହି
ପବିତ୍ର ଅଭିଯାନରେ ସାମିଲ ହୋଇ ମାଆଙ୍କ ନାମରେ ଅନ୍ୟୁନ ଗୋଟିଏ ଗଛ ନିଶ୍ଚିତ ଭାବେ ରୋପଣ କରିବା
ଓ ଧରିତ୍ରୀ ମାଆଙ୍କୁ ସମୃଦ୍ଧ କରିବାରେ ନିଜ ଅବଦାନ ରଖିବା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
