ସମ୍ବଲପୁର, ୦୭, ଜୁନ୍ (ହି.ସ.) - ସମ୍ବଲପୁର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି । ପ୍ରାଧିକରଣର ଜିଲ୍ଲା ଅଧ୍ୟକ୍ଷ ତଥା ଜିଲ୍ଲା ଦୌରା ଜଜ ପ୍ରଜ୍ଞା ପାଣିଗ୍ରାହୀଙ୍କ ନିର୍ଦେଶକ୍ରମେ ଜିଲ୍ଲା ଆଇନସେବା ପ୍ରାଧିକରଣ ଓ ସମ୍ବଲପୁର ବନ ବିଭାଗ ଆନୁକୂଲ୍ୟରେ ବିଶ୍ୱ ପରିବେଶ ଦିବସ ଆୟୋଜନ କରାଯାଇଥିଲା। ଏହି ଅବସରରେ ପୋତାପାଲି ଓ ସାନସିଂହାରୀ ଠାରେ ବ୍ୟାପକ ବୃକ୍ଷରୋପଣ କରାଯାଇଥିଲା। ବାୟୁ ପ୍ରଦୂଷଣ ରୋକିବା ଉପରେ ଏକ ଆଲୋଚନାଚକ୍ର ମଧ୍ୟ୍ୟ ଆୟୋଜିତ ହୋଇଥିଲା । ବିଶେଷ କରି କଳକାରଖାନା ରୁ ନିର୍ଗତ ଧୂଆଁ ରୁ ଯେପରି ଭାବରେ ବାୟୁ ପ୍ରଦୂଷଣ ହେଉଛି, ତାକୁ କିପରି ଭାବରେ ରୋକା ଯାଇପାରିବ, ତା ' ଉପରେ ଆଲୋଚନା ହୋଇଥିଲା । ଏହି ପରିପେକ୍ଷୀରେ ବନ ବିଭାଗ ପକ୍ଷରୁ ରେଞ୍ଜ ଅଧିକାରୀ ଅମିତ କୁମାର, ଆଇନ ସେବା ପ୍ରାଧିକରଣର ସଚିବ ସୁକୁମାର ମହାନ୍ତି ତଥା ଅନ୍ୟ ଅଧିକାରୀ ଓ କର୍ମଚାରୀ ବୃନ୍ଦ ଉପସ୍ଥିତ ଥିଲେ ।

ହିନ୍ଦୁସ୍ଥାନ ସମାଚାର / ଶୈଳେଶ