ଭୁବନେଶ୍ୱର, 07 ଜୁନ୍ (ହି.ସ.): ଆୟ ବହିର୍ଭୁତ ସଂପତି ଠୁଳ କରିବାମାମଲାରେ ଭିଜିଲାନ୍ସ

ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି କନ୍ଧମାଳ ଜିଲ୍ଲାର ବାଲିଗୁଡାସ୍ଥିତ ଆଇଟିଡିଏର ସହକାରୀ

ନିର୍ବାହୀ ଯନ୍ତ୍ରୀ ଶ୍ରୀ ବୈକୁଣ୍ଠ ନାଥ ବେହେରାଙ୍କୁ ଗିରଫ କରିଛି। ତାଙ୍କୁ ଆଜି ଭୁବନେଶ୍ୱର

ସ୍ଥିତ ବିଶେଷ ବିଚାରପତି (ଭିଜିଲାନ୍ସ) ଅଦାଲତରେ ହାଜର କରିବା ପାଇଁ ପ୍ରକ୍ରିୟା ଚାଲିଛି।

ଭିଜିଲାନ୍ସ ପକ୍ଷରୁ କରାଯାଇଥିବା ବ୍ୟାପକ ତଲାଶି ସମୟରେ ଶ୍ରୀ ବେହେରାଙ୍କ ନିକଟରୁ ତାଙ୍କର

ଜଣାଶୁଣା ଆୟଠାରୁ ବହୁ ଅଧିକ ସମ୍ପତ୍ତି ମିଳିଛି। ଏଥିରେ ମୋଟ ୫ଟି ବହୁମହଲା ଭବନ ଅନ୍ତର୍ଭୁକ୍ତ, ଯାହାର ସମୁଦାୟ କ୍ଷେତ୍ରଫଳ ୨୦,୦୦୦ ବର୍ଗ ଫୁଟ୍ରୁ

ଅଧିକ ବୋଲି କୁହାଯାଇଛି। ଏଥିରୁ ୪ଟି ଭବ୍ୟ ଭବନ ଭୁବନେଶ୍ୱରରେ ଅବସ୍ଥିତ।

ଏହା ସହିତ ୧୪ଟି ଉଚ୍ଚମୂଲ୍ୟର ଜମିଖଣ୍ଡ, ୨.୦୪ କୋଟି

ଟଙ୍କାରୁ ଅଧିକ ନଗଦ ରାଶି, ପ୍ରାୟ ୫୦୦ ଗ୍ରାମ

ସୁନା ଏବଂ ୪୫ ଲକ୍ଷ ଟଙ୍କାର ବ୍ୟାଙ୍କ ଜମା ମଧ୍ୟ ଜବତ କରାଯାଇଛି। ଅଧିକାରୀମାନଙ୍କ ଅନୁସାରେ

ଅଭିଯୁକ୍ତ ଏହି ସମ୍ପତ୍ତିଗୁଡ଼ିକର ସନ୍ତୋଷଜନକ ଉତ୍ସ ବିଷୟରେ ସ୍ପଷ୍ଟୀକରଣ ଦେଇପାରିନାହାନ୍ତି।

ତଦନ୍ତ ସମୟରେ ଏହା ମଧ୍ୟ ପ୍ରକାଶ ପାଇଛି ଯେ ତାଙ୍କ ପତ୍ନୀଙ୍କ ନାମରେ ଚାଲୁଥିବା ଅନ୍ୟ

ଗୋଟିଏ ଲକର୍କୁ ଏପର୍ଯ୍ୟନ୍ତ ଖୋଲାଯିବା ବାକି ରହିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା