ଭୁବନେଶ୍ୱର, 27 ଜୁଲାଇ (ହି.ସ.)- ରସଗୋଲା ଦିବସ ଓ ମହାପ୍ରଭୁଙ୍କ ନୀଳାଦ୍ରି ବିଜେ ନୀତିର
ଶୁଭେଚ୍ଛା ଜଣାଇଛନ୍ତି ଦୁଇ ଉପମୁଖ୍ୟମନ୍ତ୍ରୀ କେଭି ସିଂହଦେଓ ଓ ପ୍ରଭାତି ପରିଡା । ଏନେଇ
ସୋସିଆଲ ମିଡିଆ ଏକ୍ସରେ କେଭି ସିଂହଦେଓ କହିଛନ୍ତି ଯେ, ଓଡ଼ିଆ ସଂସ୍କୃତି, ଅସ୍ମିତା ଓ
ମିଷ୍ଟାନ୍ନ ପରମ୍ପରାର ପ୍ରତୀକ 'ରସଗୋଲା ଦିବସ' ଅବସରରେ ଆପଣଙ୍କୁ ଓ ଆପଣଙ୍କ ସମ୍ପୂର୍ଣ୍ଣ ପରିବାରକୁ ମୋର ହାର୍ଦ୍ଦିକ
ଶୁଭେଚ୍ଛା ଓ ଶୁଭକାମନା।
ମହାପ୍ରଭୁ ଶ୍ରୀଜଗନ୍ନାଥଙ୍କ ନୀଳାଦ୍ରି ବିଜେ ଅବସରରେ ମା' ଲକ୍ଷ୍ମୀଙ୍କୁ
ରସଗୋଲା ଭୋଗ ଲଗାଇ ମାନ ଭଙ୍ଗ କରିବାର ପରମ୍ପରା ଆମ ସଂସ୍କୃତିର ମଧୁରତାକୁ ଦର୍ଶାଏ। ଏହି ମଧୁର
ପର୍ବ ଆପଣଙ୍କ ଜୀବନରେ ଆନନ୍ଦ,
ସୁଖ ଓ ମିଷ୍ଟତା
ଭରିଦେଉ।
ସେହିପରି ପ୍ରଭାତି ପରିଡା କହିଛନ୍ତି ଯେ,ଚତୁର୍ଦ୍ଧା ମୂର୍ତ୍ତିଙ୍କ ପବିତ୍ର ନୀଳାଦ୍ରି ବିଜେ ତଥା ରସଗୋଲା ଦିବସ ଅବସରରେ ହାର୍ଦ୍ଦିକ
ଶୁଭେଚ୍ଛା ଓ ଶୁଭକାମନା ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା