ଭୁବନେଶ୍ୱର, 28 ଜୁଲାଇ (ହି.ସ.): ଓଡ଼ିଶାର
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଷ୍ଟ୍ରମଣ୍ଡଳ କ୍ରୀଡ଼ା ୨୦୨୬ରେ ଉଲ୍ଲେଖନୀୟ ପ୍ରଦର୍ଶନ
କରିଥିବା ଭାରତୀୟ ଖେଳାଳିମାନଙ୍କୁ ଅଭିନନ୍ଦନ ଜଣାଇଛନ୍ତି।
ମୁଖ୍ୟମନ୍ତ୍ରୀ ସ୍ୱର୍ଣ୍ଣ
ପଦକ ବିଜେତା ଶର୍ମିଲା ଧନଖଡ଼ଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଥିବାବେଳେ, ରୌପ୍ୟ
ପଦକ ହାସଲ କରିଥିବା ସର୍ବେଶ କୁଶାରେ ଓ ବଲ୍ଲୁରୀ ଅଜୟ ବାବୁଙ୍କୁ ପ୍ରଶଂସା କରିଛନ୍ତି। ସେହିପରି
କାଂସ୍ୟ ପଦକ ବିଜେତା ବିନ୍ଦ୍ୟାରାଣୀ ଦେବୀଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି।
ନିଜ ବାର୍ତ୍ତାରେ ମୁଖ୍ୟମନ୍ତ୍ରୀ
କହିଛନ୍ତି ଯେ, ଏହି ସଫଳତା ଖେଳାଳିମାନଙ୍କ କଠିନ ପରିଶ୍ରମ, ଅଟୁଟ
ସଂକଳ୍ପ ଓ ଉତ୍କର୍ଷତା ପ୍ରତି ସେମାନଙ୍କର ନିଷ୍ଠାର ପ୍ରତୀକ। ସେ ଆଶା ପ୍ରକାଶ କରିଛନ୍ତି ଯେ, ଏହି
ସଫଳତା ଦେଶର ଯୁବପିଢ଼ିକୁ ପ୍ରେରଣା ଯୋଗାଇବ ଏବଂ ଟିମ୍ ଇଣ୍ଡିଆ ରାଷ୍ଟ୍ରମଣ୍ଡଳ କ୍ରୀଡ଼ାରେ
ନିଜର ଚମତ୍କାର ପ୍ରଦର୍ଶନ ଜାରି ରଖିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
