ଭୁବନେଶ୍ୱର, 28 ଜୁଲାଇ (ହି.ସ.): ବିଶ୍ୱ ପ୍ରକୃତି
ସଂରକ୍ଷଣ ଦିବସ ଅବସରରେ ଓଡ଼ିଶାର ରାଜ୍ୟପାଳ ଡ. ହରି ବାବୁ କମ୍ଭମପତି ରାଜ୍ୟବାସୀଙ୍କୁ
ପ୍ରକୃତିର ସଂରକ୍ଷଣ ଓ ସମ୍ବର୍ଦ୍ଧନ ପ୍ରତି ନିଜର ପ୍ରତିବଦ୍ଧତାକୁ ପୁନର୍ବାର ସୁଦୃଢ଼ କରିବାକୁ
ଆହ୍ୱାନ ଜଣାଇଛନ୍ତି।
ନିଜ ବାର୍ତ୍ତାରେ ରାଜ୍ୟପାଳ
ଓଡ଼ିଶାର ସମୃଦ୍ଧ ପ୍ରାକୃତିକ ଐତିହ୍ୟ—ଘଞ୍ଚ ଜଙ୍ଗଲ,
ପରିଷ୍କାର ଉପକୂଳରେଖା,
ସମୃଦ୍ଧ ଜୈବ ବିବିଧତା ଏବଂ ବିବିଧ ପରିବେଶ ବ୍ୟବସ୍ଥାକୁ ରାଜ୍ୟର
ସବୁଠୁ ବଡ଼ ଶକ୍ତିମାନଙ୍କ ମଧ୍ୟରୁ ଅନ୍ୟତମ ବୋଲି ବର୍ଣ୍ଣନା କରିଛନ୍ତି।
ସେ କହିଛନ୍ତି ଯେ ଏହି
ଅମୂଲ୍ୟ ପ୍ରାକୃତିକ ଐତିହ୍ୟର ସୁରକ୍ଷା ପାଇଁ ସାମୂହିକ ଦାୟିତ୍ୱବୋଧ ଏବଂ ନିରନ୍ତର ବିକାଶମୂଳକ
ପଦକ୍ଷେପ ଗ୍ରହଣ କରିବା ଅତ୍ୟନ୍ତ ଆବଶ୍ୟକ। ରାଜ୍ୟପାଳ ସମସ୍ତଙ୍କୁ ଏକ ସବୁଜ ଓ ସୁସ୍ଥ ଭବିଷ୍ୟତ
ଗଠନ ପାଇଁ ମିଳିତ ଭାବେ ସକ୍ରିୟ ଅବଦାନ ରଖିବାକୁ ଆହ୍ୱାନ କରିଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା