ଭୁବନେଶ୍ୱର, 28 ଜୁଲାଇ (ହି.ସ.)- ବିଶ୍ୱ ପ୍ରକୃତି ସଂରକ୍ଷଣ ଦିବସ ଅବସରରେ ଓଡ଼ିଶା
ବିଧାନସଭାର ବିରୋଧୀ ଦଳନେତା ନବୀନ ପଟ୍ଟନାୟକ ପ୍ରକୃତିର ସଂରକ୍ଷଣ ଏବଂ ଏହାର ନିରନ୍ତର
ପରିଚାଳନାକୁ ମାନବ ଜୀବନ ପାଇଁ ଅପରିହାର୍ଯ୍ୟ ବୋଲି କହିଛନ୍ତି।
ନିଜ ବାର୍ତ୍ତାରେ ସେ
କହିଛନ୍ତି ଯେ, ପୃଥିବୀ ଆମର ଏକମାତ୍ର ବାସସ୍ଥାନ ହୋଇଥିବାରୁ ଏହାର ଅସ୍ତିତ୍ୱ ରକ୍ଷା
ପାଇଁ ପ୍ରାକୃତିକ ସମ୍ପଦର ସଂରକ୍ଷଣ ଓ ସନ୍ତୁଳିତ ବ୍ୟବହାର ଅତ୍ୟନ୍ତ ଆବଶ୍ୟକ। ସେ ଲୋକମାନଙ୍କୁ
ପ୍ରକୃତିର ସୌନ୍ଦର୍ଯ୍ୟକୁ ସମ୍ମାନ କରିବା,
ଅଧିକରୁ ଅଧିକ ଗଛ ଲଗାଇବା ଏବଂ କାର୍ବନ ଫୁଟପ୍ରିଣ୍ଟ ହ୍ରାସ କରିବାକୁ
ଆହ୍ୱାନ ଜଣାଇଛନ୍ତି।
ନବୀନ ପଟ୍ଟନାୟକ ଚେତାବନୀ
ଦେଇ କହିଛନ୍ତି ଯେ, ଯଦି ସମୟ ଥାଉ ଥାଉ ଦୃଢ଼ ପଦକ୍ଷେପ ନିଆ ନ ଯାଏ, ତେବେ
ପ୍ରକୃତିର ଅସନ୍ତୁଳନ ଗୁରୁତର ବିପର୍ଯ୍ୟୟର କାରଣ ହୋଇପାରେ। ସେ ସମସ୍ତଙ୍କୁ ମିଳିତ ପ୍ରୟାସ
ମାଧ୍ୟମରେ ପରିବେଶ ସଂରକ୍ଷଣକୁ ସର୍ବାଧିକ ପ୍ରାଥମିକତା ଦେବାକୁ ଅପିଲ କରିଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା