ନୂଆପଡ଼ା,୧୯ ଅଗଷ୍ଟ (ହି.ସ.)- ନୂଆପଡ଼ା ବ୍ଲକରେ ୨୦୨୫–୨୬ ଆର୍ôଥକ ବର୍ଷ ପାଇଁ ମହାତ୍ମା ଗାନ୍ଧୀ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଏବଂ ସମଗ୍ର ଶିକ୍ଷା ଅନ୍ତର୍ଗତ ବ୍ଲକସ୍ତରୀୟ ଜନଶୁଣାଣି ଅନୁଷ୍ଠିତ ହୋଇଥିଲା। ଏହା ସହିତ, ୨୦୨୧–୨୨ ଠାରୁ ୨୦୨୫–୨୬ ଆର୍ôଥକ ବର୍ଷ ପର୍ଯ୍ୟନ୍ତ ବକେୟା ଥିବା ଅର୍ଥ ତୋଷରପାତ ରାଶି ଜମା ସମ୍ପର୍କରେ ସମସ୍ତ ପଂଚାୟତ ନିର୍ବାହୀ ଅଧିକାରୀ ଏବଂ ଗ୍ରାମ ରୋଜଗାର ସେବକ ମାନଙ୍କୁ ନେଇ ଏକ ସମୀକ୍ଷା ବୈଠକ ମଧ୍ୟ ଅନୁଷ୍ଠିତ ହୋଇଥିଲା। ସମସ୍ତ ବକେୟା ରାଶି ଚଳିତ ମାସ ୩୦ ତାରିଖ ସୁଦ୍ଧା ଜମା କରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ଏହି ବୈଠକରେ ଜିଲ୍ଲା ପରିଷଦ, ନୂଆପଡ଼ାର ଅତିରିକ୍ତ ନିର୍ବାହୀ ଅଧିକାରୀ (ପ୍ରଶାସନ) ଜନଶୁଣାଣି କମିଟିର ଅଧ୍ୟକ୍ଷ ଭାବେ ଉପସ୍ଥିତ ଥିଲେ। ଉକ୍ତ ସଭାରେ ପଂଚାୟତ ସମିତି ଅଧ୍ୟକ୍ଷ। , ପାଂଚୟତ ସମିତି ଉପାଧ୍ୟକ୍ଷ,ଜିଲ୍ଲା ପରିଷଦ ସଭ୍ୟ/ ସଭ୍ୟା , ସମସ୍ତ ସରପଂଚ ଓ ଲୋକ ପ୍ରତିନିଧି ଉପସ୍ଥିତ ଥିଲେ। ସାମାଜିକ ଅଡିଟ୍ ୟୁନିଟ୍ ଦ୍ୱାରା ଚିହ୍ନଟ ସମସ୍ତ ଅଭିଯୋଗ, ସମସ୍ୟା ଏବଂ ତଥ୍ୟ ଅନୁସନ୍ଧାନର ଫଳାଫଳ ଜନଶୁଣାଣିରେ ଉପସ୍ଥାପନ କରାଯାଇଥିଲା। ମନରେଗା ଅଧୀନରେ ଚିହ୍ନଟ ଅନିୟମିତତା/ସମସ୍ୟାଗୁଡ଼ିକ ଉପରେ ଆବଶ୍ୟକୀୟ ପଦକ୍ଷେପ ଗ୍ରହଣ ସମ୍ପର୍କରେ ଆଲୋଚନା କରାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ହେମନ୍ତ
