ଗଞାମ, ୨୧ ଅଗଷ୍ଟ (ହି.ସ.)- ନିଶାମୁକ୍ତ ଓଡ଼ିଶା ଅଭିଯାନ ଅଧୀନରେ ବ୍ରହ୍ମପୁର ପୋଲିସ ପକ୍ଷରୁ ଆଜି ସହରର ସାତଟି ସ୍କୁଲ ଓ ଗୋଟିଏ କଲେଜରେ ସଚେତନତା କାର୍ଯ୍ୟକ୍ରମ କରାଯାଇଛି। ପ୍ରାୟ ଏକ ହଜାର ଛାତ୍ରଛାତ୍ରୀ ଏଥିରେ ସାମିଲ ହୋଇଥିଲେ। ପ୍ରତି ଥାନା ଅଞ୍ଚଳରେ ଥାନା ଅଧିକାରୀଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ନିଶା ଦ୍ରବ୍ୟ ସେବନର ଶାରୀରିକ, ମାନସିକ, ସାମାଜିକ ଓ ପାଠପଢ଼ା ଉପରେ କୁପ୍ରଭାବ ବିଷୟରେ ବୁଝାଯାଇଥିଲା। ନିଶାଠାରୁ ଦୂରେଇ ରହିବା, ସଙ୍ଗସାଥୀଙ୍କ ପ୍ରଭାବ ଓ ପରିବାରର ଭୂମିକା ଉପରେ ଗୁରୁତ୍ୱ ଦିଆଯାଇଥିଲା
ଛାତ୍ରଛାତ୍ରୀଙ୍କୁ ନିଜ ପରିବାର ଓ ପଡ଼ୋଶୀରେ ପରିବର୍ତ୍ତନର ଦୂତ ହେବାକୁ ଅନୁରୋଧ କରାଯାଇଥିଲା। ମାନସ ପୋର୍ଟାଲ ଓ ହେଲ୍ପଲାଇନ ନମ୍ବର ଏକ ନଅ ତିନି ତିନି ବିଷୟରେ ସୂଚନା ଦିଆଯାଇଥିଲା, ଯେଉଁଠାରେ ଲୋକେ ଗୁପ୍ତ ଭାବେ ନିଶା ସମ୍ପର୍କିତ ତଥ୍ୟ ଦେଇ ଓ ପରାମର୍ଶ ନେଇପାରିବେ। ସମସ୍ତ ଛାତ୍ରଛାତ୍ରୀ ନିଶାମୁକ୍ତି ଶପଥ ନେଇଥିଲେ। ପିତାମାତା, ଶିକ୍ଷକ, ଛାତ୍ର ଓ ସାଧାରଣ ଲୋକ ଏହି ଜନ ଆନ୍ଦୋଳନରେ ସାମିଲ ହୁଅନ୍ତୁ ପୋଲିସ ପକ୍ଷରୁ ଆହ୍ବାନ ଦିଆଯାଇଛି।
ହିନ୍ଦୁସ୍ଥାନ ସମାଚାର / ହୃଷୀକେଶ
