ଭୁବନେଶ୍ୱର, 21 ଅଗଷ୍ଟ (ହି.ସ.)- ଗତକାଲି ଲାଠିକଟା

ତହସିଲଦାର-କମ୍-ସବ୍-ରେଜିଷ୍ଟ୍ରାର ମୁରଲୀଧର ଉର୍ମାଲଙ୍କ ନିକଟରୁ ୫ ଲକ୍ଷ ଟଙ୍କାର ସନ୍ଦିଗ୍ଧ

ଅସଦୁପାୟରେ ଅର୍ଜିତ ନଗଦ ଟଙ୍କା ନେଇ ଯାଉଥିବା ବେଳେ ଓଡ଼ିଶା ଭିଜିଲାନ୍ସ ଅଟକାଇଥିବା ଘଟଣା । ସୁନ୍ଦରଗଡ଼

ଓ ରାଉରକେଲାରେ ଘର ତଲାସି ବେଳେ ଆହୁରି ୫.୭୪ ଲକ୍ଷ ଟଙ୍କା ନଗଦ ଜବତ କରାଯାଇଛି। ଏପର୍ଯ୍ୟନ୍ତ

ମୋଟ ୧୦.୭୪ ଲକ୍ଷ ଟଙ୍କା ନଗଦ ଜବତ କରାଯାଇଛି।

ଏପର୍ଯ୍ୟନ୍ତ ତଲାସି ସମୟରେ

ମିଳିଥିବା ଅନ୍ୟାନ୍ୟ ସମ୍ପତ୍ତି ଓ ମୂଲ୍ୟବାନ ସାମଗ୍ରୀ ମଧ୍ୟରେ ସୁନ୍ଦରଗଡ଼ର କର୍ମଡିହିଠାରେ ପ୍ରାୟ ୩,୭୦୦

ବର୍ଗଫୁଟ ଅଞ୍ଚଳରେ ନିର୍ମିତ ଏକ ଦୁଇ ମହଲା କୋଠା, ସୁନ୍ଦରଗଡ଼ ଓ ରାଉରକେଲା ସହରର ଉପକଣ୍ଠରେ ୬ଟି

ଉଚ୍ଚମୂଲ୍ୟର ପ୍ଲଟ୍, ୨୪୧ ଗ୍ରାମ ସୁନା ଅଳଙ୍କାର

ଏବଂ ୬୩୫ ଗ୍ରାମ ରୁପା ଅଳଙ୍କାର, ବ୍ୟାଙ୍କ,

ଡାକଘର ଓ ବୀମା ଜମା ବାବଦରେ ୬୬.୧୦ ଲକ୍ଷ ଟଙ୍କା, ଗୋଟିଏ ଚାରିଚକିଆ

ଯାନଏବଂ ୩ଟି ଦୁଇଚକିଆ ଯାନ ରହିଛି । ଏବେ ବି ତଲାସି ଅଭିଯାନ ଜାରି

ରହିଛି।

ଗତକାଲି ଲାଠିକଟା

ତହସିଲଦାର-କମ୍-ସବ୍-ରେଜିଷ୍ଟ୍ରାର ମୁରଲୀଧର ଉର୍ମାଲଙ୍କୁ ୫ ଲକ୍ଷ ଟଙ୍କାର ସନ୍ଦିଗ୍ଧ

ଅସଦୁପାୟରେ ଅର୍ଜିତ ନଗଦ ଟଙ୍କା ନେଇ ଯାଉଥିବା ବେଳେ ଓଡ଼ିଶା ଭିଜିଲାନ୍ସ ଅଟକାଇଥିଲା ।

ଶ୍ରୀ ଉର୍ମାଲ ଲାଠିକଟାସ୍ଥିତ

ତାଙ୍କ କାର୍ଯ୍ୟାଳୟରୁ ରାଉରକେଲାସ୍ଥିତ ନିଜ ବାସଭବନକୁ ଭଡ଼ାରେ ନିଆଯାଇଥିବା ସରକାରୀ

କାର୍ଯ୍ୟାଳୟ ଗାଡ଼ି (ସ୍କର୍ପିଓ)ରେ ଯାଉଥିବା ବେଳେ ତାଙ୍କ ନିକଟରୁ ୫ ଲକ୍ଷ ଟଙ୍କାର ସନ୍ଦିଗ୍ଧ

ଅସଦୁପାୟରେ ଅର୍ଜିତ ନଗଦ ଟଙ୍କା ଉଦ୍ଧାର କରାଯାଇଥିଲା। ଶ୍ରୀ ଉର୍ମାଲ ତାଙ୍କ ନିକଟରୁ ଉଦ୍ଧାର

ହୋଇଥିବା ନଗଦ ଟଙ୍କାର ଉତ୍ସ ସମ୍ପର୍କରେ ସନ୍ତୋଷଜନକ ବ୍ୟାଖ୍ୟା ଦେଇପାରିନଥିବାରୁ, ସମ୍ପୂର୍ଣ୍ଣ

୫ ଲକ୍ଷ ଟଙ୍କା ନଗଦ ସହ ସ୍କର୍ପିଓ ଗାଡ଼ିକୁ ଜବତ କରାଯାଇଥିଲା । ଏହା ପରେ, ଆୟବହିର୍ଭୂତ

ସମ୍ପତ୍ତି ଠୁଳ ଅଭିଯୋଗରେ ଶ୍ରୀ ଉର୍ମାଲଙ୍କ ସହ ସମ୍ପୃକ୍ତ ୩ଟି ସ୍ଥାନରେ ଏକକାଳୀନ ତଲାସି

ଅଭିଯାନ ଆରମ୍ଭ କରାଯାଇଥିଲା ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା