ଭୁବନେଶ୍ୱର, 21 ଅଗଷ୍ଟ (ହି.ସ.)- ମାଷ୍ଟର

କ୍ୟାଣ୍ଟିନ ଛକରେ ଅନଲାଇନ୍ ଗାଡ଼ି ଚାଳକ ସଂଘର ହିଂସା ଘଟଣାରେ କ୍ଷମା ପ୍ରାର୍ଥନା କରିଛି

ସ୍ମାର୍ଟ ସିଟି ଅନ୍ଲାଇନ ଅଟୋ ଟ୍ୟାକ୍ସି ଡ୍ରାଇଭର୍ ସଂଘ ।

ଷ୍ଟରକ୍ୟାଣ୍ଟିନ ହିଂସା

ଘଟଣାରେ ମୁହଁ ଖୋଲିଛନ୍ତି ଅନଲାଇନ ଅଟୋ ସଂଘର ସଭାପତି ଦୀନବନ୍ଧୁ ନାୟକ । ସେଦିନର ଅଘଟଣ ପାଇଁ

ଜନସାଧାରଣଙ୍କୁ କ୍ଷମା ପ୍ରାର୍ଥନା କରିଛନ୍ତି । ୧୪ ମିନିଟର ଭିଡିଓ ବାର୍ତ୍ତାରେ ସେ ଡ୍ରାଇଭର

ମାନଙ୍କ ସପକ୍ଷରେ କହିଛନ୍ତି । ନିଜର ହକ୍ ପୂରଣ ହେଉନଥିବାରୁ ସେ ଆନ୍ଦୋଳନ ପନ୍ଥା ଆପଣାଇଥିବା

ଭିଡିଓ ବାର୍ତ୍ତାରେ କହିଛନ୍ତି । ସେ କହିଛନ୍ତି ଯେ, ଜନସାଧାରଣଙ୍କୁ ହୋଇଥିବା ଅସୁବିଧା ପାଇଁ

ଆମେ ଦୁଃଖିତ । ଭୁଲ୍ଟା ଭୁଲ୍, ଭୁଲ୍କୁ ଆମେ ସ୍ୱୀକାର କରୁଛୁ, ଏଇଟା ହେବାର ନଥିଲା । ହିଂସା

ଘଟଣାରେ ରାଜନୀତି ଥିବା ଚର୍ଚ୍ଚାକୁ ଖଣ୍ଡନ କରିବା ସହ ସେ କହିଛନ୍ତି ଯେ, ଆମେ ସମସ୍ତେ ଗରୀବ

ଖଟିଖିଆ ଅଟୋ-ଟ୍ୟାକ୍ସି-ବାଇକ୍ ଚାଳକ । ଡିସିପି ଗୁଣ୍ଡା

କହିଲେ ତାକୁ ନେଇ ଦୁଃଖ ଲାଗୁଥିବା ସେ କହିଛନ୍ତି। ସେ କହିଛନ୍ତି ଯେ, ଆମେ ଶାନ୍ତିପୂର୍ଣ୍ଣ

ଧାରଣାରେ ଥିଲୁ , ଗଣ୍ଡଗୋଳ ହେଲା ,

କିନ୍ତୁ ଆମେ ଗୁଣ୍ଡା ନୁହେଁ , ହକ ପାଇଁ ଲଢେଇ

କରୁଥିଲୁ । ପୋଲିସ ମାଇଲେଜ୍ ପାଇବାପାଇଁ ଗୁଣ୍ଡା ସଜେଇ ଦେଲା । ଆମେ ପେଟ ପାଇଁ ଲଢେଇ କରୁଥିଲୁ। ଗତ ୧୯ ତାରିଖ ଭଙ୍ଗାରୁଜା ଓ ପୋଲିସକୁ

ଆକ୍ରମଣ ପରଠୁ ଦୀନବନ୍ଧୁ ଫେରାର୍ ଅଛନ୍ତି ।

ଗତକାଲି ଗଣ୍ଡଗୋଳ ଘଟଣାରେ

୧୧୩ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ପୋଲିସ । ଘଟଣାରେ ୩୫୪ ଟି ଗାଡ଼ି ଜବତ କରିଛି

ପୋଲିସ । ଏନେଇ ଖାରବେଳନଗର ଥାନାରେ ୭ଟି ଏଫଆଇଆର୍ ରୁଜୁ ହୋଇଛି । ଟ୍ୟାକ୍ସି ଆସୋସିଏସନ ଘର

ଉପରେ ଚାଲିଛି ବୁଲଡୋଜର । ସେପଟେ ଅଭିଯୁକ୍ତ ଗାଡି ମାଲିକ ଚଳାଉଥିବା ଗାଡିର ପରମିଟ, ଆରସି କାହିଁକି ବାତିଲ ନହେବ ବୋଲି ସୋ' କଜ୍ ନୋଟିସ ଜାରି କରିଛି ପରିବହନ ବିଭାଗ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା