ବଲାଙ୍ଗିର, ୪ ଅଗଷ୍ଟ (ହି.ସ.)- ମାଗୁରବେଡା ଲୋୟର ସୁକତେଲ ଡ୍ୟାମ ମଣିଷ ଏବଂ ମନ୍ଦିର ଗୁଡିକରେ ମହାପ୍ରଭୁ ବିସ୍ଥାପିତ ହୋଇଥିଲେ । ଲୋକଙ୍କ ଘରଦ୍ୱାର ଭଙ୍ଗା ହେଲା, ବିଭିନ୍ନ ଚାଷ ଜମି ମଧ୍ୟ କ୍ଷତିଗ୍ରସ୍ତ ହେଲା । ଚାଷୀଙ୍କ ହକ୍ ପାଇଁ ବିଭିନ୍ନ ସମୟରେ ବିରାଟ ଆନ୍ଦୋଳନ ହୋଇ ଦିଲ୍ଲୀରୁ ପଲ୍ଲୀ ପର୍ଯ୍ୟନ୍ତ ଲୋୟର ସୁକତେଲ ଡ୍ୟାମ ନିର୍ମାଣ ହୋଇଥିଲା । ନିଜ ଗ୍ରାମର ଭିଟାମାଟି ଛାଡି ବିସ୍ଥାପିତ ହୋଇଥିଲେ ଦେବା ଦେବୀ ମଧ୍ୟ । ବିଭିନ୍ନ ଗାଁ ରେ ଲକ୍ଷ ଲକ୍ଷ ଗଛ କାଟି ଜଳବନ୍ଦୀରେ ଜଙ୍ଗଲ ନଷ୍ଟ ହୋଇଗଲା । ସରକାର ନିଷ୍ପତ୍ତି ନେଇ ପାରିନଥିଲା ଜିବଜନ୍ତୁ ପାଇଁ । ଏବେ ଜୀବଯନ୍ତୁ ଜଳବନ୍ଦୀ ଅବସ୍ଥାରେ। ଡ୍ୟାମରେ ପାଣି ରହିଥିବାରୁ ରାଜପଥରେ ଜୀବଯନ୍ତୁ ବୁଲୁଛନ୍ତି । ଜଙ୍ଗଲ ନଷ୍ଟ ହୋଇଯିବାରୁ ଏମାନଙ୍କର ଆଶ୍ରୟ ସ୍ଥଳ ପାଲଟିଛି ସଡ଼କ । ବରାହ, କୁଟୁରା, ଠେକୁଆ, ଜାତୀୟ ପକ୍ଷୀ ମୟୁର, ଲୋୟର ସୁକତେଲ ଡ୍ୟାମ ପାଖରେ ଏମାନଙ୍କୁ ଦେଖିବାକୁ ମିଳୁଛି । ଏମାନଙ୍କ ସୁରକ୍ଷା ପାଇଁ ଆଜି ଦେବାଳୟ ଐତିହ୍ୟ ସୁରକ୍ଷା କମିଟି ବଲାଙ୍ଗିର ଡିଏଫଓଙ୍କୁ ଏକ ଦାବିପତ୍ର ପ୍ରଦାନ କରିଛି । ଏସିଏଫ୍ ମାନସ ରଂଜନ ବେହେରା ଦାବିପତ୍ର ଗ୍ରହଣ କରିଛନ୍ତି । କମିଟି ଚାରିଗୋଟି ପ୍ରସ୍ତାବ ଦାବିପତ୍ରରେ ପ୍ରଦାନ କରିଛି । ଜଳବନ୍ଦୀ ଅବସ୍ଥାରେ ଥିବା ଜୀବଯନ୍ତୁଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଉ, ଲୋୟର ସୁକତେଲ ଡ୍ୟାମ ଚାରି ପାର୍ଶ୍ଵରେ ସଚେତନତା ବୋର୍ଡ ଲଗାଯାଉ, ଜାତୀୟ ପକ୍ଷୀ ମୟୁର ଓ ବିଭିନ୍ନ ପ୍ରଜାତିର ପକ୍ଷୀଙ୍କ ପାଇଁ କରିଡର ନିର୍ମାଣ କରାଯାଉ। ବେଧଡକ ଶିକାର କରୁଥିବା ଶିକାରୀମାନଙ୍କୁ ଧରିବା ପାଇଁ ବିଭାଗ ପକ୍ଷରୁ ଏକ କମିଟି ଗଢାଯାଉ। ଏକ ସଚେତନା ସଭା ମଧ୍ୟ କରାଯାଉ ବୋଲି ଦାବିପତ୍ରରେ ଦିଆଯାଇଛି ।
ପତ୍ରରେ ଉଲ୍ଲେଖ କରାଯାଇଛି ଯେ, ଜାତୀୟ ପକ୍ଷୀ ମୟୁର ଆଇନରେ ଅଭିଯୁକ୍ତ ଶିକାରୀଙ୍କୁ ସାତ ବର୍ଷ କାରାଗାରରେ ଦଣ୍ଡିତ ହେବା ପାଇଁ ବ୍ୟବଧାନ କରାଯାଉ ଓ ମୟୁର ମାନଙ୍କୁ ସୁରକ୍ଷା ପାଇଁ ଦାବି ଉଠାଇଥିଲେ । ସଭାପତି ଜୟକୃଷ୍ଣ ମିଶ୍ରଙ୍କ ନେତୃତ୍ୱରେ ସଂପାଦକ ପ୍ରଶାନ୍ତ ମହାକୁର, ଅର୍ଜୁନ ସାହୁ, ସହ ସଂପାଦକ ଶମ୍ଭୁ ପ୍ରସାଦ ଶତପଥି, କୋଷାଧ୍ୟକ୍ଷ ଭବାନି ଶଙ୍କର ଭୋଇ, ରିଣ୍ଟୁୁ ସାହୁ, ସତ୍ୟନାରାୟଣ ତ୍ରିପାଠି ପ୍ରମୁଖ ସାମିଲ ଥିଲେ ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
