କନ୍ଧମାଳ, ୦୫ ଅଗଷ୍ଟ(ହି.ସ.) – କନ୍ଧମାଳ ଜିଲ୍ଲା ରାଇକିଆ କୃଷି ସୂଚନା ଓ ପରାମର୍ଶ କେନ୍ଦ୍ର ଭବନ ପରିସରରେ ଆଗ୍ରୋନୋମିକ୍ ପ୍ରାକ୍ଟିସ୍ ସମ୍ପର୍କିତ ଏକ ଦୁଇ ଦିନିଆ ପ୍ରଶିକ୍ଷଣ କାର୍ଯ୍ୟକ୍ରମ ସଫଳତାର ସହ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମର ପ୍ରଥମ ଦିବସରେ ଗୋଷ୍ଠୀ କୃଷି ଅଧିକାରୀ ସଚିନ୍ଦ୍ର କୁମାର ସେଠୀ, ଅତିରିକ୍ତ କୃଷି ଅଧିକାରୀ ଶ୍ରୀମତୀ ସୁଦିପ୍ତା ପ୍ରଧାନ, ସ୍ୱେଚ୍ଛାସେବୀ ଅନୁଷ୍ଠାନ ସ୍ୱାତୀ' ର ମୁଖ୍ୟ କାର୍ଯ୍ୟନିର୍ବାହୀ ଏବଂ ସମସ୍ତ କର୍ମଚାରୀବୃନ୍ଦ ଉପସ୍ଥିତ ରହି ଚାଷୀମାନଙ୍କୁ ପ୍ରଣାଳୀ ଓ ଏହାର ଲାଭ ବିଷୟରେ ଦିଗଦର୍ଶନ ଦେଇଥିଲେ। ଦ୍ୱିତୀୟ ଦିନର ବିଶେଷ ସମାବେଶ ଆଜି ପ୍ରଶିକ୍ଷଣର ଦ୍ୱିତୀୟ ଦିନରେ ସହକାରୀ କୃଷି ନିର୍ଦ୍ଦେଶକ କୁମାରୀ ସୁନିତା ମିଶ୍ର ଏବଂ ଉଦୟଗିରିର ଯୋଜନା ଅଧିକାରୀ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଆଗେଇ ନେଇଥିଲେ। ମୁଖ୍ୟ ଆଲୋଚନା କୃଷିର ସାମ୍ପ୍ରତିକ ସ୍ଥିତିରେ ଆଗ୍ରୋନୋମିକ୍ ପ୍ରାକ୍ଟିସ୍ ପ୍ରଣାଳୀ ମାଧ୍ୟମରେ କିପରି ଅଳ୍ପ ଖର୍ଚ୍ଚରେ ଅଧିକ ଅମଳ କରାଯାଇପାରିବ, ସେ ନେଇ ବିସ୍ତୃତ ଆଲୋଚନା କରାଯାଇଥିଲା। ଏହି ତାଲିମ ଚାଷୀମାନଙ୍କର ଉତ୍ପାଦନ କ୍ଷମତା ବୃଦ୍ଧି କରିବାରେ ବେଶ୍ ସହାୟକ ହେବ ବୋଲି ଆଶା କରାଯାଉଛି।
.......................................
ହିନ୍ଦୁସ୍ଥାନ ସମାଚାର / ପ୍ରଶାନ୍ତ
