ଭୁବନେଶ୍ୱର, ୨୯ ସେପ୍ଟେମ୍ବର (ହି.ସ) - ଓଡ଼ିଶା ସରକାରଙ୍କ ଶକ୍ତି ବିଭାଗ ଅଧୀନସ୍ଥ ସରକାରୀ ଉଦ୍ୟୋଗ ଓରେଡା ଲିମିଟେଡ୍ ପକ୍ଷରୁ ଆର୍ôଥକ ବର୍ଷ ୨୦୨୪-୨୫ ପାଇଁ ରାଜ୍ୟ ସରକାରଙ୍କୁ ୧.୦୭ କୋଟି ଟଙ୍କାର ଲାଭାଂଶ ପ୍ରଦାନ କରାଯାଇଛି। ଉପ-ମୁଖ୍ୟମନ୍ତ୍ରୀ ତଥା କୃଷି, କୃଷକ ସଶକ୍ତିକରଣ ଓ ଶକ୍ତି ମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କୁ ଲାଭାଂଶ ଚେକ୍ ପ୍ରଦାନ କରାଯାଇଛି।

୨୦୨୪ ମେ’ ୯ତାରିଖରେ ପ୍ରତିଷ୍ଠିତ ହୋଇଥିବା ଏହି କମ୍ପାନୀ ନିଜର ପ୍ରଥମ ଆର୍ôଥକ ବର୍ଷରେ ୩.୫୭ କୋଟି ଟଙ୍କାର ନିଟ୍ ଲାଭ ଅର୍ଜନ କରିପାରିଛି। ପ୍ରତିଷ୍ଠାର ପ୍ରଥମ ବର୍ଷରେ ହିଁ ଲାଭାଂଶ ଘୋଷଣା କରିବା ସହ ତାହା ପ୍ରଦାନ କରିବା ଓରେଡା ଲିମିଟେଡ୍ ପାଇଁ ଏକ ଉଲ୍ଲେଖନୀୟ ସଫଳତା। ଏହା କମ୍ପାନୀର ଆର୍ôଥକ ଅଭିବୃଦ୍ଧି ଏବଂ ସୁଦୃଢ଼ ଆର୍ôଥକ ପରିଚାଳନାକୁ ଦର୍ଶାଉଛି। ଓରେଡା ଲିମିଟେଡ୍ ଓଡ଼ିଶାରେ ନବୀକରଣୀୟ ଶକ୍ତିର ପ୍ରସାର ଏବଂ ସ୍ଥାୟୀ ଶକ୍ତି ସମାଧାନକୁ ପ୍ରୋତ୍ସାହନ ଦେବା ଦିଗରେ ନିରନ୍ତର କାର୍ଯ୍ୟ କରିଆସୁଛି।

ଉପମୁଖ୍ୟମନ୍ତ୍ରୀଙ୍କ ସହ ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ବିଶାଳ କୁମାର ଦେବ, ଏଫଏ ତଥା ସ୍ୱତନ୍ତ୍ର ସଚିବ ଡଃ ଦେବୀଦତ ତ୍ରିପାଠୀ, ଓରେଡାର ସିଇଓ ସାଇଦତ ବିପ୍ଳବ କେଶରୀ ପ୍ରଧାନ, ଅତିରିକ୍ତ ସଚିବ ନିବେଦିତା ମିଶ୍ରଙ୍କ ସମେତ ବିଭାଗର ଅନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଏହି ଲାଭାଂଶ ଚେକ୍ ସରକାରଙ୍କୁ ହସ୍ତାନ୍ତର କରାଯାଇଛି।

---------------

ହିନ୍ଦୁସ୍ଥାନ ସମାଚାର / ବନ୍ଦନା