ଭୁବନେଶ୍ୱର, 29 ସେପ୍ଟେମ୍ବର (ହି.ସ.)- ଏସୀୟ କ୍ରୀଡା

ପଦକ ବିଜେତାଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏନେଇ ସୋସିଆଲ

ମିଡିଆ ଏକ୍ସରେ ଏକ ବାର୍ତ୍ତା ଜାରି କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ, ଏସୀୟ

କ୍ରୀଡ଼ା ୨୦୨୬ରେ ପୁରୁଷ ୧,୫୦୦

ମିଟର ଦୌଡ଼ରେ ରୌପ୍ୟ ପଦକ ଜିତିଥିବା ଗୁଲଭୀର ସିଂହଙ୍କୁ ହାର୍ଦ୍ଦିକ ଅଭିନନ୍ଦନ। ଜଣେ

ଦୃଢ଼ସଙ୍କଳ୍ପବଦ୍ଧ ଭାରତୀୟ ଆଥଲେଟ୍ ଭାବେ ତାଙ୍କର ଆଉ ଏକ ଉତ୍କୃଷ୍ଟ ପ୍ରଦର୍ଶନ ଏସୀୟ

କ୍ରୀଡ଼ାରେ ତାଙ୍କର ଚମତ୍କାର ଅଭିଯାନରେ ଆଉ ଏକ ସଫଳତା ଯୋଡ଼ିଛି। ସେ ଆଗାମୀ ଦିନରେ ଆହୁରି

ଉଚ୍ଚ ଶିଖରରେ ପହଞ୍ଚନ୍ତୁ ବୋଲି କାମନା କରୁଛି।

ଅନ୍ୟ ଏକ ବାର୍ତ୍ତା ଜାରି

କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ, ଏସୀୟ କ୍ରୀଡ଼ା ୨୦୨୬ରେ ପୁରୁଷ ଲଙ୍ଗ

ଜମ୍ପରେ ରୌପ୍ୟ ପଦକ ଜିତିଥିବା ମୁରଲୀ ଶ୍ରୀଶଙ୍କରଙ୍କୁ ହାର୍ଦ୍ଦିକ ଅଭିନନ୍ଦନ। ଦୃଢ଼ସଙ୍କଳ୍ପ ଓ

ଉତ୍କର୍ଷର ଏହି ଚମତ୍କାର ଲମ୍ଫ ଦେଶ ପାଇଁ ଅପାର ଗର୍ବ ଆଣିଛି। ଆଗାମୀ ଦିନରେ ସେ ଆହୁରି ଅନେକ

ସଫଳତାର ମାଇଲଖୁଣ୍ଟ ଅତିକ୍ରମ କରନ୍ତୁ ବୋଲି ଶୁଭେଚ୍ଛା।

ଆଉ ଏକ ବାର୍ତ୍ତା ଜାରି

ମୁଖ୍ୟମନ୍ତ୍ରୀ କହିଛନ୍ତି ଯେ, ଏସୀୟ କ୍ରୀଡ଼ା ୨୦୨୬ରେ ପୁରୁଷ ଜାଭେଲିନ୍ ଥ୍ରୋରେ ରୌପ୍ୟ ପଦକ

ଜିତିଥିବା ଯଶବୀର ସିଂହ ଏବଂ କାଂସ୍ୟ ପଦକ ହାସଲ କରିଥିବା ରୋହିତ ଯାଦବଙ୍କୁ ହାର୍ଦ୍ଦିକ

ଅଭିନନ୍ଦନ। ଦୁଇଟି ଥ୍ରୋ, ଦୁଇଟି

ପଦକ,

ଭାରତ ପାଇଁ ଗର୍ବର ଏକ ମୁହୂର୍ତ୍ତ। ସେମାନଙ୍କର ଦୃଢ଼ତା, ଶକ୍ତି ଓ ଦୃଢ଼ସଙ୍କଳ୍ପ ପୁଣିଥରେ ଭାରତୀୟ ଆଥଲେଟିକ୍ସର ବଢ଼ୁଥିବା

ଶକ୍ତିକୁ ପ୍ରମାଣିତ କରିଛି।

ଅନ୍ୟ ଏକ ବାର୍ତ୍ତା ଜାରି

କରି ମୁଖ୍ୟମନ୍ତ୍ରୀ କହିଛନ୍ତି ଯେ, ଏସୀୟ କ୍ରୀଡ଼ା ୨୦୨୬ରେ ମହିଳା ଟ୍ରାପ୍ ଟିମ୍ ଇଭେଣ୍ଟରେ

ରୌପ୍ୟ ପଦକ ଜିତିଥିବା ନୀରୁ ଧାଣ୍ଡା, ଆଶିମା ଅହଲାୱତ ଏବଂ ମନୀଷା କୀରଙ୍କୁ ହାର୍ଦ୍ଦିକ ଅଭିନନ୍ଦନ। ବ୍ୟକ୍ତିଗତ ଇଭେଣ୍ଟରେ

ସ୍ୱର୍ଣ୍ଣ ପଦକ ହାସଲ କରିଥିବା ନୀରୁ ଧାଣ୍ଡାଙ୍କୁ ମଧ୍ୟ ଅଭିନନ୍ଦନ। ଏହି ଚମତ୍କାର ଦ୍ୱୈତ ସଫଳତା

ଦେଶ ପାଇଁ ଅପାର ଗର୍ବ ଆଣିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା