ଧର୍ମଶାଳା,୨୧ ନଭେମ୍ବର (ହି.ସ.) - ଯାଜପୁର ଜିଲା ରସୁଲପୁର ବ୍ଲକ ବ୍ରହ୍ମବରଦା ପଂଚାୟତସ୍ଥ ମହିମାଛକର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ନେତାଜୀ ସୁବାସ ବୋଷ ୟୁଥ୍ କ୍ଲବର ୩୩ ବାର୍ଷିକ ଉତ୍ସବ ଅବସରରେ ଆୟୋଜିତ ହୋଇଥିବା ହରପାର୍ବତୀ ଭଷାଣୀ ଉତ୍ସବ ମହାଆଡମ୍ବରରେ ପାଳିତ ହୋଇଯାଇଛି । କାର୍ତିକ ପୂର୍ଣ୍ଣମୀଠାରୁ ଏହା ଆରମ୍ଭ ହୋଇଥିଲା । ଶ୍ରଦ୍ଧାଳୁମାନେ କଳସ ଯାତ୍ରାରେ ସାମିଲ ହୋଇଥିଲେ । ବିଦ୍ୱାନ ପଣ୍ଡିତଙ୍କ ଦ୍ୱାରା ପୂଜାର୍ଚ୍ଚନା ପରେ ମୁଖ୍ୟ କର୍ତା ସନାତନ ମଣ୍ଡଳଙ୍କ ତତ୍ୱଧାନରେ ପୂଜା ମଣ୍ଡପରେ କଳସ ସ୍ଥାପନ କରାଯାଇଥିଲା । ପରେ ନିତିକାନ୍ତି ଅନୂଯାୟୀ ମଣ୍ଡପରେ ହରପାର୍ବତୀ ପୂଜା ପାଇ ଆସୁଥିଲେ । ବିଭିନ୍ନ ଦିବସମାନଙ୍କରେ ସିନେ ତାରକାଙ୍କ ସମେତ ସ୍ଥାନୀୟ କଳାକାରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ମହା ସମାରୋହରେ ଭସାଣୀ ଯାତ୍ର ଅନୁଷ୍ଠିତ ହୋଇଥିଲା । ହରପାର୍ବତୀଙ୍କୁ ସୁସଜ୍ଜିତ କରାଯାଇ ବ୍ରହ୍ମବରଦାର ବିଭିନ୍ନ ଅଂଚଳ ପପରିକ୍ରମା ପରେ ପାଣିରେ ବିସର୍ଜନ କରାଯାଇଥିଲା । ଭସାଣୀ ସମୟରେ ଜିଲା ତଥା ଜିଲା ବାହାରୁ ବହୁ ବିଭିନ୍ନ ସାଂସ୍କୃତିକ ଦଳ ଅଂଶଗ୍ରହଣ କରି ସେମାନଙ୍କ କଳା ପ୍ରଦର୍ଶନ କରିଥିଲେ ।
କ୍ଲବର ସଭାପତି ଅରୁଣ କୁମାର ବେହେରା,ସମ୍ପାଦକ ସୁଦର୍ଶନ ପାଢୀ,କୋଷାଧ୍ୟକ୍ଷ ସୁନିଲ କୁମାର ବେହେରା,ପ୍ରଶାନ୍ତ ରାଉତ,ସଭ୍ୟ ଅକ୍ଷୟ ଗିରି,ସୁଧାଶୁଂ ମଣ୍ଡଳ,ସଚ୍ଚିନ ଗିରି,ଦେବୀ ପ୍ରସାଦ ମଣ୍ଡଳ,ଅଜୟ ଗିରି,ଅଶୋକ ସାହୁ,ବିଚିତ୍ର ଗିରି ,ସୋନୁ ସାହୁ ଓ ଟନି ବେହେରାଙ୍କଙ୍କ ସହ ସମସ୍ତ ସଭ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
ହିନ୍ଦୁସ୍ଥାନ ସମାଚାର / ଚିନ୍ମୟ
