ଜୟପୁର, 2 ଏପ୍ରିଲ୍ (ହି.ସ.)ଆସନ୍ତା ୬ ତାରିଖରେ ହେବାକୁ ଥିବା ରାମ ନବମୀ ନିମନ୍ତେ ଆଜି ଏକ ବୈଠକ ଅନୁଷ୍ଠିତ ହୋଇଯାଇଛି। ଉପଜିଲ୍ଲାପାଳ ଏ.ସସ୍ୟାରେଡ୍ଡୀଙ୍କ ନେତୃତ୍ବରେ ଆୟୋଜିତ ଏହି ବୈଠକରେ ରାମନବମୀ ପାଳନ ସମିତିର କର୍ମକର୍ତ୍ତା ମାନେ ଯୋଗ ଦେଇ କିପରି ଶାନ୍ତି ଶୃଙ୍ଖଳାର ସହ ରାମନବମୀ ପାଳନ କରାଯିବ ସେନେଇ ଆଲୋଚନା କରିଥିଲେ। କମିଟି ପକ୍ଷରୁ ଦିଆଯାଇଥିବା ଦାବି ଗୁଡିକୁ ପ୍ରଶାସନିକ ଅଧିକାରୀ ମାନେ ରାଜି ହୋଇଥିଲେ। ପାଵାର ହାଉସ ଛକ ଠାରୁ ପାରାବେଡା ଦଶହରା ପଡିଆ ପର୍ଯ୍ୟନ୍ତ ଶୋଭାଯାତ୍ରା ହେବ ଏହି ଶୋଭାଯାତ୍ରାରେ ଆଖଡା, ପଟୁଆର, ବେଶ ଧାରୀ ମାନେ ରହିବେ। ରଥ ପଡିଆ ଠାରେ ଶ୍ରୀରାମଙ୍କ ଫୋଟ ଲଗାଯିବ, ଡିଜେ ବାଜିବ, ଏବ˚ ରାସ୍ତାର ଦୁଇ କଡରେ ଶ୍ରଦ୍ଧାଳୁ ମାନେ ପ୍ରସାଦ ବଣ୍ଟନ କରିବେ ବୋଲି ଦାବି କରିଥିଲେ। ପ୍ରଶାସନ ସମସ୍ତ କଥାକୁ ଠିକ ଅଛି ବୋଲି କହିଥିଲେ। ଆଜିର ଏହି ବୈଠକରେ ପୌରାଧ୍ୟକ୍ଷ ନରେନ୍ଦ୍ର ମହାନ୍ତି, ଜୟପୁର ସଦରଥାନା ଅଧିକାରୀ ସଚ୍ଚିନ୍ଦ୍ର ପ୍ରଧାନ, ଟାଉନଥାନା ଅଧିକାରୀ ଉଲ୍ଲାସ ରାଉତ, ତହସିଲଦାର ସବ୍ୟସାଚୀ ଜେନାଙ୍କ ସମେତ ରାମନବମୀ ପାଳନ ସମିତିର କର୍ମକର୍ତ୍ତା ଉପସ୍ଥିତ ଥିଲେ।

ସେହିପରି ରାମ ନବମୀରେ ଯେପରି ବହୁ ସ˚ଖ୍ୟାରେ ଲୋକେ ଯୋଗଦାନ କରିବେ ସେ ନେଇ ବିଜେପି ନେତା ହିମା˚ଶୁ ମହାପାତ୍ର ଗ୍ରାମ ଗ୍ରାମ ବୁଲି ଲୋକଙ୍କୁ ଶ୍ରୀରାମ ବାଣୀ ଶୁଣାଇବା ସହ ୬ ତାରିଖରେ ଜୟପୁରରେ ହେବା ବିଶାଳ ଶୋଭାଯାତ୍ରାରେ ଯୋଗଦାନ କରିବାକୁ ନିମନ୍ତ୍ରଣ କରିଥିଲେ। ସେହିପରି ପାଳନ ସମିତିର ସତିଶ ନନ୍ଦ,ସନ୍ତୋଷ ସାହୁ ଓ କର୍ମକର୍ତ୍ତା ମାନେ ବୁଲି ଲିଙ୍ଗରାଜ ନଗର ଅଞ୍ଚଳର ସମସ୍ତ ଘରକୁ ଯାଇ ଶୋଭାଯାତ୍ରାରେ ଯୋଗ ଦେବାକୁ ଅନୁରୋଧ କରିବା ସହ ସେହିଦିନ ସମସ୍ତେ ନିଜ ନିଜ ଘର ସମ୍ମୁଖରେ ଗୋଟିଏ ଲେଖାଏଁ ଦୀପ ଲଗାଇବା ସହ ଘରେ ଧ୍ବଜା ଲଗାଇବା ସହ ରାମ ପାଦୁକାକୁ ସ୍ବାଗର କରିବାକୁ କହିଥିଲେ।

---------------

ହିନ୍ଦୁସ୍ଥାନ ସମାଚାର / ପିକେପି