ଭୁବନେଶ୍ୱର, 25 ଏପ୍ରିଲ୍ (ହି.ସ.) - ଗତ ମାର୍ଚ୍ଚ ମାସ ୫ ତାରିଖରେ ଅନୁଷ୍ଠିତ ଚିନ୍ତନ ଶିବିରର ନିଷ୍ପତି ଅନୁଯାୟୀ ଓଡ଼ିଶା ରାଜୀବ ଗାନ୍ଧୀ ପଞ୍ଚାୟତି ରାଜ ସଂଗଠନ ଜିଲ୍ଲା ଓ ବ୍ଲକ କମିଟି ଗଢ଼ିବା କାର୍ଯ୍ୟ ଆରମ୍ଭ କରିଛି। ସେହି ଅନୁସାରେ ପ୍ରଥମେ କଳାହାଣ୍ଡି ଜିଲ୍ଲାରୁ ସେହି ପ୍ରକ୍ରିୟା ଆରମ୍ଭ ହୋଇଛି । ଚଳିତ ମାସ ୧୨ ଓ ୨୩ ତାରିଖରେ ଅନୁଷ୍ଠିତ ଜିଲ୍ଲା ସ୍ତରୀୟ ସର୍ବୋଦୟ ସଂକଳ୍ପ ଶିବିର ରେ ସର୍ବ ସମ୍ମତି କ୍ରମେ ଜିଲ୍ଲାର ଆବାହକ ଓ ଯୁଗ୍ମ ଆବାହକ ନିଯୁକ୍ତ ହେବା ସହିତ ଜିଲ୍ଲା କମିଟି ଗଠିତ ହୋଇଥିଲା। ସଂଗଠନ ର ସର୍ବ ଭାରତୀୟ ସାଧାରଣ ସମ୍ପାଦକଙ୍କ ଅନୁମୋଦନ ତାହାକୁ ଆଜି ବିଧିବଦ୍ଧ ଭାବେ ରାଜ୍ୟ ସାଧାରଣ ସମ୍ପାଦକ ବିଜୟ ପ୍ରଧାନ ଘୋଷଣା କରିଛନ୍ତି । ଶ୍ରୀମତୀ ଜ୍ୟୋସ୍ନା ବଗର୍ତି ଙ୍କୁ ଜିଲ୍ଲା ଆବାହକ ଭାବରେ ନିଯୁକ୍ତି ମିଳିଥିବା ବେଳେ ଦେନୁ ଦୁର୍ଗାଙ୍କୁ ଯୁଗ୍ମ ଆବାହକ ଦାୟିତ୍ୱ ଦିଆଯାଇଛି।

ସେହି ପରି ୧୪ ଟି ବ୍ଲକ ଓ ୪ ଟି ମ୍ୟୁନିସିପାଲଟି ଓ ବିଜ୍ଞାପିତ ଅଞ୍ଚଳ ପାଇଁ ଆବାହକ ଓ ଯୁଗ୍ମ ଆବାହକଙ୍କୁ ମଧ୍ୟ ନିଯୁକ୍ତ ହୋଇଛନ୍ତି । ସଂଗଠନ ରେ ମହିଳା ମାନଙ୍କୁ ଗୁରୁତ୍ୱ ଦେବା ପାଇଁ ପ୍ରତ୍ୟେକଟି ସ୍ତରରେ ଜଣେ ଲେଖାଏଁ ମହିଳାଙ୍କୁ ଦାୟିତ୍ୱ ଦିଆଯାଇଛି । ଜିଲ୍ଲା , ବ୍ଲକ ତଥା ସହରାଞ୍ଚଳ ର ସମସ୍ତ ଆବାହକ ଓ ଯୁଗ୍ମ ଆବାହକ ମାନଙ୍କୁ ନେଇ କଳାହାଣ୍ଡି ଜିଲ୍ଲା କମିଟି ଗଠିତ ହୋଇଛି।

ନୂତନ କର୍ମକର୍ତ୍ତା ମାନଙ୍କୁ ଅଭିନନ୍ଦନ ଜଣାଇବା ସହିତ ଆଗାମୀ ମେ ମାସ ଶେଷ ସୁଦ୍ଧା ରାଜ୍ୟର ସମସ୍ତ ଜିଲ୍ଲା କମିଟି ଗଠିତ ହେବ ବୋଲି ସଙ୍ଗଠନ ର ରାଜ୍ୟ ଅଧ୍ୟକ୍ଷ ଶ୍ରୀ ସୁଦର୍ଶନ ଦାସ ଏକ ପ୍ରେସ ବିଜ୍ଞପ୍ତି ର ଜଣାଇଛନ୍ତି।

---------------

ହିନ୍ଦୁସ୍ଥାନ ସମାଚାର / ବନ୍ଦନା