,ଜୟପୁର 12 ସେପ୍ଟେମ୍ବର (ହି.ସ.)

ବିକ୍ରମଦେବ ବିଶ୍ବବିଦ୍ୟାଳୟର ସ୍ନାତକ ତୃତୀୟ ବର୍ଷର ଶିକ୍ଷାର୍ଥୀଙ୍କ ପରୀକ୍ଷାଫଳ ସମସ୍ୟା ନେଇ କୁଳପତିଙ୍କୁ ଛାତ୍ରଛାତ୍ରୀମାନେ ଅଭିଯୋଗ ପତ୍ର ପ୍ରଦାନ କରିଛନ୍ତି। ପ୍ରଥମ ସେମିଷ୍ଟାର ପରୀକ୍ଷା ପ୍ରକାଶ ପାଇବା ପରେ ସମ୍ପୂର୍ଣ୍ଣ ପରୀକ୍ଷାଫଳ ଅର୍ଥାତ ଇଲେକ୍ଟିଭ ଅର୍ଥନୀତି ଓ ଅନ୍ୟାନ୍ୟ ବିଷୟରେ ପରୀକ୍ଷାଫଳ ପ୍ରକାଶ ପାଇନାହିଁ। ଏଥିପାଇଁ ସମସ୍ତ ପରୀକ୍ଷାର୍ଥୀ ଦ୍ବନ୍ଦରେ ରହିଛନ୍ତି। ଏହାର ସଠିକ ବିଚାର କରି ଯଥାଶିଘ୍ର ସମ୍ପୂର୍ଣ୍ଣ ପରୀକ୍ଷାଫଳ ନିଭୁଲ ଓ ସଠିକ ଭାବେ ପ୍ରକାଶ କରିବାକୁ ଅଭିଯୋଗ ପତ୍ରରେ ଉଲ୍ଲେଖ କରାଯାଇଛି। ଅଭିଯୋଗ ପତ୍ର ପ୍ରଦାନ ସମୟରେ ଜୟଶ୍ରୀ ବେହେରା, ଅରୁଣ ପାହାରିଆ, ରାଜା ପଣ୍ତା, ଜ୍ୟୋତିରଞ୍ଜନ ପାଣିଗ୍ରାହୀ, ସୌମ୍ୟ ରଞ୍ଜନ ମହାପାତ୍ରଙ୍କ ସମେତ ଅନ୍ୟ ଛାତ୍ର ଛାତ୍ରୀ ଉପସ୍ଥିତ ଥିଲେ।

---------------

ହିନ୍ଦୁସ୍ଥାନ ସମାଚାର / ପିକେପି