କୋରେଇ, ୨୮ ସେପ୍ଟେମ୍ବର (ହି.ସ.)- ପାଣିକୋଇଲି ପୁଲିସ ଦେଶୀ ମଦ ଜବତ କରିବା ସହ ବେପାରିକୁ ଗିରଫ କରିବାରେ ସକ୍ଷମ ହୋଇଛି । ସନ୍ଧ୍ୟା ପେଟ୍ରୋଲିଂଗ ସମୟରେ ପାଣିକୋଇଲି ଥାନା ଅନ୍ତର୍ଗତ ନୂଆପଦା ଛକ ତଥା ୨୦ ନମ୍ବର ଜାତୀୟ ରାଜପଥ ପଶ୍ୱର୍ରେ ଦେଶୀ ମଦର ଚୋରା କାରବାର ଖବର ପାଇ ପୁଲିସ ସଦଳବଳେ ଚଢ଼ଉ କରିଥିଲା । ସେଠାରେ ସନ୍ଦେହଜନକ ଭାବେ ଜଣଙ୍କୁ ଧରିବା ପରେ ତା’ ନିକଟରୁ ୧୦.୬୨୦ ଲିଟର ମଦ ଜବତ କରି ତାକୁ ଥାନାକୁ ଆଣିଥିଲେ । ଏନେଇ ଓଡିଶା ଅବକାରୀ ନିୟମ ୫୨(୨) ରେ ଏକ ମାମଲା ୩୧୩/୨୫ ରୁଜ୍ଜୁ କରାଯାଇ ମଦ ବେପାରିକୁ ଗିରଫ କରାଯାଇଥିଲା । ଉତରପ୍ରଦେଶ ରାଜ୍ୟ ଚାନ୍ଦୁଆଳି ଜିଲ୍ଲା ସାହେବଗଂଜ ଥାନା କିରାଇଗାଁର ଛବିନାଥ ଯାଦବଙ୍କ ପୁଅ ରାମ ନିବାସ ଯାଦବ (୪୦)କୁ ଗିରଫ କରାଯାଇଥିଲା । ରାମ ନିବାସ ଦୀର୍ଘ ବର୍ଷ ହେବ ପାଣିକୋଇଳି ଅଂଚଳରେ ରହି ଦେଶୀ ମଦର ଚୋରା କାରାବାର ଚଳାଇ ଆସିଛି । ଏବେ ତା’ର ନୂଆ ଠିକାଣା ନୂଆପଦା ଛକ ପାଲଟିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ