ଜଗଦଲପୁର , 09 ଫେବ୍ରୁଆରି (ହି.ସ.)- ଛତିଶଗଡ଼ର ଜଗଦଲପୁରରେ ଆୟୋଜିତ ‘ବସ୍ତର ପଣ୍ଡୁମ ଉତ୍ସବ ୨୦୨୬’ର ସମାପନ ସମାରୋହରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ମୁଖ୍ୟ ଅତିଥି ଭାବେ ଯୋଗଦେବେ। ଏହାକୁ ନେଇ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ କଠୋର ସୁରକ୍ଷା ବ୍ୟବସ୍ଥା କରାଯାଉଛି।
ଅମିତ ଶାହଙ୍କ ଆଗମନକୁ ଦୃଷ୍ଟିରେ ରଖି ଏଠାରେ କଠିନ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଅମିତ ଶାହ ତାଙ୍କ ଗସ୍ତର ଶେଷ ଦିନ, ଅର୍ଥାତ ୯ ଫେବୃଆରୀ ୨୦୨୬ ରେ ଜଗଦଳପୁର (ବସ୍ତର) ପହଞ୍ଚିବେ। ସେଠାରେ ସେ ‘ବସ୍ତର ପଣ୍ଡୁମ ଉତ୍ସବ’ର ସମାପନ ସମାରୋହରେ ଅଂଶଗ୍ରହଣ କରିବେ। ଏହି ଉତ୍ସବକୁ ବସ୍ତରର ସମୃଦ୍ଧ ଆଦିବାସୀ ସଂସ୍କୃତି ଏବଂ ସେଠାରେ ପୁନଃସ୍ଥାପିତ ହେଉଥିବା ଶାନ୍ତିର ପ୍ରତୀକ ଭାବେ ଦେଖାଯାଉଛି।
‘ବସ୍ତର ପଣ୍ଡୁମ ଉତ୍ସବ’ର ସମାପନ ସମାରୋହକୁ ନେଇ ଜିଲ୍ଲାରେ ଉତ୍ସାହର ପରିବେଶ ରହିଥିବା ବେଳେ, କେନ୍ଦ୍ରୀୟ ଗୃହମନ୍ତ୍ରୀଙ୍କ ଗସ୍ତକୁ ନେଇ ପ୍ରଶାସନ ଆଲର୍ଟ ମୋଡ୍ରେ ରହିଛି।
ଉପମୁଖ୍ୟମନ୍ତ୍ରୀ ବିଜୟ ଶର୍ମା ରବିବାର କହିଛନ୍ତି ଯେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ, ମୁଖ୍ୟମନ୍ତ୍ରୀ ବିଷ୍ଣୁଦେଵ ସାୟ, ସମସ୍ତ ରାଜ୍ୟର ଡିଜିପି ଏବଂ ଏସିଏସ ହୋମଙ୍କ ସହ ହେବାକୁଥିବା ଏହି ବୈଠକ ସମ୍ଭବତଃ ୩୧ ମାର୍ଚ୍ଚ ପୂର୍ବରୁ ଶେଷ ବୈଠକ ହୋଇପାରେ, ଯେଉଁଥିରେ ରଣନୀତି ଉପରେ ଆଲୋଚନା ହେବ।
ସେ କହିଛନ୍ତି ଯେ ଆସନ୍ତାକାଲି, ଅର୍ଥାତ ୯ ଫେବୃଆରୀ ୨୦୨୬ ରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ବସ୍ତର ପଣ୍ଡୁମ ଉତ୍ସବରେ ଅଂଶଗ୍ରହଣ କରିବେ। ବସ୍ତର ପଣ୍ଡୁମ ହେଉଛି ବସ୍ତରର ସଂବର୍ଦ୍ଧନର ଉତ୍ସବ ବୋଲି ସେ କହିଛନ୍ତି ।
---------------
ହିନ୍ଦୁସ୍ଥାନ ସମାଚାର / ସମନ୍ୱୟ
